Nilinaw ni Kristoffer Martin na wala siyang sinumang pinatatamaan sa Twitter post niya kamakailan.
Naging mainit sa mata ng ilang fans nina Alden Richards at Maine Mendoza ang Twitter post ni Kristoffer noong January 26, kung saan sinabi niyang: “Pag pinagbubuhatan ka na ng kamay ng babae, ibang usapan na yon.”
Pag pinagbubuhatan ka na ng kamay ng babae, ibang usapan na yon.
— Kristoffer Martin (@flinsTUNs) January 27, 2018
Nagsimula diumano ang galit ng AlDub fans nang ikinonekta ng isang fan ang tweet ni Kristoffer sa phenomenal love team ng Eat Bulaga!
Nagpasalamat ang fan, na may username na @AldenUpsurge, sa pagpoprotekta umano ni Kristoffer sa "bestfriend" niyang si Alden.
Sina Kristoffer at Alden ay naging malapit na magkaibigan mula nang gawin nila ang Reel Love Presents: Tween Hearts sa GMA Network noong 2011.
Bintang pa ng nasabing fan tungkol kay Maine, “Napatunayan na namin na pinagbubuhatan mo si alden ng kamay.”
Dahil dito, pinuna ng maraming fans si Kristoffer at mariing hiniling na ipaliwanag ang kanyang Twitter post.
You know what, hindi ka totoong kaibigan ni Alden. Maraming implications yang tweet mo.Of all people sa iyo pamangagaling na itinuturing nabest friend ni Alden.
— Alden Richard's 2013 (@2013_alden) January 27, 2018
Pls clarify your tweet. Bkit kasi kalalake mong tao e nagpo post ka ng ganito? Pinagmumulan ka ng gulo..
— Gin Direz ???? (@gin_direz) January 27, 2018
Bakit dimo i clear tuns ang tweet mo.. Madali lang mag tweet na hindi si maine yun.. Pasikat ka nmn.
— megs (@228Mela) January 29, 2018
Magpopost ka na rin lang di mo pa linawin,madami pa namang utak lugaw dito.
— ????Jhen (@Jhenery5) January 27, 2018
Walang anumang sagot ang Kapuso actor tungkol sa galit o pagkadismaya ng ilang fans sa kanyang tweet.
Ngunit kapansin-pansin ang tweet niya nang sumunod na araw, January 27, na tila may kaugnayan pa rin sa isyu.
Ani Kristoffer, "What’s wrong with people nowadays? Nagpapakain masyado sa sistema. Kumalma nga kayo dami nanamang mema."
What’s wrong with people nowadays? Nagpapakain masyado sa sistema. Kumalma nga kayo dami nanamang mema.
— Kristoffer Martin (@flinsTUNs) January 27, 2018
May ilan pa ring hindi natuwa sa kanyang tweets.
Pero may ilan ding fans ang nagtanggol kay Kristoffer at sinabihan ang kapwa fans na huwag pakialaman ang tweet ng ibang tao.
Pls lang din po na maging sensitive kyo na wag makialam at manghimasok sa mga tweet ng ibang tao. Nkakahiya tlaga mga taong katulad nyo. @flinsTUNs patawarin mo sila d nila alam ang kanilang ginagawa. Wag mo na patulan bka mahawa ka ????
— vanj ???? (@vanjaekainah) January 29, 2018
Ngayong Lunes ng hapon, January 29, nilinaw ni Kristoffer na walang anumang kaugnayan sa kahit kanino ang kanyang Twitter posts.
Aniya, "Okay here’s the thing, I tweeted that WITH MY OWN PERSONAL REASON. Wala akong alam sa nagaganap na issue kung DI NIYO PA PINALAKI. Coincidence? YES."
Ikinalungkot din daw niya ang mga negatibong reaksiyon na nakuha mula sa fans.
Sabi ni Kristoffer sa huli, “We are living in a world full of hatred. Nakakalungkot.”
Okay here’s the thing, I tweeted that WITH MY OWN PERSONAL REASON. Wala akong alam sa nagaganap na issue kung DI NIYO PA PINALAKI. Coincidence? YES. We are living in a world full of hatred. Nakakalungkot.
— Kristoffer Martin (@flinsTUNs) January 29, 2018