“Makapal na, sinungaling pa.”
Ito ang makahulugang Facebook post ng singer-actress na si Jenine Desiderio noong Biyernes, Pebrero 2.
Hindi man pinangalanan kung sino ang pinatatamaan niya, marami ang humuhulang ito ang sagot ng ina ni Janella Salvador sa pagtanggi ni Elmo Magalona na nag-gatecrash siya sa family reunion nina Jenine noong December 2017.
Matatandaang noong December 27, 2017, nag-rant si Jenine sa kanyang Facebook tungkol sa pangyayari.
Sabi ng ina ni Janella: “How dare you gate crash both sides of our family’s Christmas reunions.
"Do you really just do this as in come uninvited? And how could you enjoy knowing i did not come in knowing you were there?
"My family’s too decent to make you leave but you think you’re welcome & accepted?
"Think again. If you can. #angkapal.”
Sinamahan pa ito ni Jenine ng hashtag na #angkapal.
Nitong January 29, 2018, mariing itinanggi ng My Fairy Tail Love Story star na si Elmo ang tungkol sa “gatecrashing” issue.
Pahayag ng 23-year-old Kapamilya actor, “Wala po. Hindi po ako [naggaganun].”
Noon pa mang 2017 ay nagpahiwatig na si Jenine ng kanyang disgusto kay Elmo para sa kanyang 19-year-old daughter.
Ngunit hindi pa rin niya direktang pinangalanan ang binata sa kanyang cryptic posts sa Twitter o Facebook.