Hiwalay na ba sina KC Concepcion, 32, at ang boyfriend nitong si Aly Borromeo, 34?
Ito ang tanong ng ilang netizens na nakapansin na walang naganap na Valentine’s Day celebration ang aktres at ang dating Azkals player.
Noong Valentine’s Day 2017, magkasama ang dalawa na um-attend ng service ng Victory church.
Kapansin-pansin ding noon pang November 19, 2017 ang huling post ni KC sa Instagram ng larawan nila ni Aly, kung saan nasa main cover sila ng isang magazine.
Si Aly naman ay noon pang December 11, 2017, ang last post kasama si KC, ngunit tungkol din ito sa magazine cover nila.
Kataka-taka ito dahil noong 2016 hanggang sa maging opisyal na ang relasyon nina KC at Aly, halos araw-araw silang nagpu-post sa social media ng mga kaganapan sa kanilang buhay at relasyon.
VALENTINE'S DAY 2018. Nitong nakaraang February 14, Valentine’s Day, nag-post si KC ng larawan ng isang pulang rosas.
Ngunit ang caption nito ay tungkol lamang sa nalalapit na launching ng kanyang bagong proyekto.
Kaya naman sa Instagram account ni KC, nagtatanong ang ilang followers niya tungkol kay Aly:
Sa isang post ng anak nina Sharon Cuneta at Gabby Concepcion, tinanong muli siya ng mga tagahanga niya tungkol sa kanyang boyfriend, ngunit wala siyang naging sagot dito.
Samantala, wala namang post si Aly tungkol sa Valentine’s Day.
Sa isa niyang post sa Instagram noong January 27, nagkomento ang ilang netizens tungkol sa kanila ni KC.
"SUPER, SUPER CLOSE.” Bago pa man ang espekulasyong break na ang dalawa, nagtataka ang mga tagahanga nina KC at Aly kung bakit wala na silang posts tungkol sa isa't isa.
Nasagot naman ito ni KC sa panayam ni Darla Sauler noong January 31, 2018, na lumabas sa YouTube channel ng ABS-CBN Entertainment.
Sa nasabing panayam, sinabi ng actress-TV host na “okay” naman sila ni Aly.
Kuwento niya tungkol sa kanilang dalawa, “Aly and I have always been super, super close, so no matter what happens sa mga buhay namin, close kami.”
So, okay ba talaga sila?
Tugon ni KC, “Yes. Yes.”
Dagdag pa niya, “Busy ako ngayon, siya rin nagpapaka-busy.
"And kailangan kasi pareho ang priorities ng dalawang tao, di ba?
“Mahirap kasi kapag parang kuma-career yung isa, 'tapos yung isa hindi. It has to be the same priority.
“So, kung for the rest of the year pareho yung priorities namin, magwu-work.”
September 2016 ay napabalita na ring naghiwalay ang dalawa.
Mananatiling bukas ang PEP.ph (Philippine Entertainment Portal) sa maaaring ihayag nina KC at Aly ukol sa isyung ito.