Usap-usapan ngayon sa social media ang nai-share ni Ormoc City Mayor Richard Gomez na fake news sa kanyang Twitter account.
Ngayong Huwebes ng umaga, Pebrero 22, nag-post ang actor-politician ng isang news item tungkol sa diumano'y sinabi ng reyna ng United Kingdom na si Queen Elizabeth II tungkol kay Philippine President Rodrigo Duterte.
Ang news ay may titulong “Queen Elizabeth: 'Who Who Would Have Thought That One Day Philippines Will Get A Brave man Like Duterte?'”
Ang quote ay hango diumano sa report ng British Broadcasting Corporation (BBC).
Pero lumalabas na ang artikulo ay mula sa fake news website na britana.altervista.org.
Walang anumang sinabi si Richard nang i-post niya ito sa kanyang Twitter account.
Queen Elizabeth:Who Would Have Thought That One Day Philippines Will Get A Brave man Like Duterte?- BBC Channel https://t.co/r3XxpXJMDk
— richard gomez (@1richardgomez1) February 22, 2018
Sa ngayon ay may mahigit 100 replies na ito, karamihan ay pumuna sa alkalde ng Ormoc City sa pagse-share ng isang fake news.
Una na itong tinawag ng "fake" ng isang website na nag-a-identify ng fake news, ang memebuster.net, noong 2016.
Isang netizen ang nag-screenshot ng dating post ng Meme Buster at ibinahagi ito kay Richard.
Fake news po https://t.co/n30AOlRk2W
— JP Tanyag (@dumidyeypee) February 22, 2018
May ilang netizens naman ang nagpayo kay Richard na alamin muna kung tunay ang news bago mag-post sa social media.
Shet FAKENEWS...di na nadala. Mag google sir
— Hollow Bloque (@apersepers) February 22, 2018
Sa susunod po, bago kayo magshare ng kung anuman ay tignan niyo po muna kung legitimate po ang source niyo.
— T'Challa Mo Lang Wala Pero Meron Meron Meron! (@ChenelynMercad0) February 22, 2018
Salamat po.
You're using your influence to misinform. It's 2018. Please fact-check before posting.
— fat Dudan (@imnotdudan) February 22, 2018
He should watch Fact or Fake ni @Joseph_Morong sa Youtube hehehe
— JP Tanyag (@dumidyeypee) February 22, 2018
Bukod kay Richard, naging biktima rin noon ng fake news si dating PAGCOR AVP at ngayo'y OWWA Deputy Executive Director V Arnell Ignacio.
Minsan siyang nag-post ng isang news item mula sa isang satirical news website.
Samantala, narito ang isang espesyal na ulat ni GMA News reporter Joseph Morong para sa Fact or Fake tungkol sa kung paano alamin ang fake news.