Inuwi ni Sophia Senoron ng Pilipinas ang kauna-unahang korona ng Miss Multinational beauty pageant.
Ginanap ang grand coronation sa Kingdom of Dreams Theatre sa New Delhi, India, Lunes ng gabi, February 26.
Bukod sa titulo, inuwi rin ng 17-year-old Financial Management student at varsity debater ng San Beda College ang dalawang special awards: Miss Environment at Miss Speech.
Inanunsiyo ni Arnold Vegafria, national director ng Miss Multinational sa Pilipinas, ang magandang balita sa kanyang Instagram account.
Itinanghal namang 2nd runner-up ang host country na India (Shefali Sharma) at 1st runner-up ang Germany (Saskia Kuban).
Labintatlong kandidata mula sa iba't ibang bansa ang naglaban-laban sa pageant.
PEP Live