Pamilya na talaga ang turing ng mga kapatid ni Ellen Adarna kay John Lloyd Cruz.
Sa kanilang bakasyon sa Japan, kasama nina John Lloyd at Ellen ang dalawang nakakatandang kapatid ng sexy star at kani-kanilang mga asawa.
Ito ay si Rico Adarna at misis nitong si Louise Tabaquero, at si Danton Adarna kasama ang misis niyang si Kim Araneta.
Sa Instagram post ni Kim kahapon, February 26, kasama sa larawang in-upload niya ang asawang si Anton, sina Rico Louise, at sina John Lloyd at Ellen.
Ang inilagay niyang caption ay “Fammm.”
Lumipad ang grupo nina John Lloyd at Ellen papuntang Japan noong February 20.
Nakatakda silang bumalik ng Pilipinas ngayong Martes, February 27.
Kabilang sa activities ng grupo sa Japan ay ang skiing at snowboarding.
Hanggang ngayon, wala pa ring nagkukumpirma kung may nangyari nga bang civil o church wedding sa pagitan nina John Lloyd at Ellen noong bisperas ng Chinese New Year, February 15.
Marami na ring nakakapansin sa lumalaking tiyan ni Ellen, na nasa ika-anim na buwan na ng kanyang pagdadalantao sa panganay na anak nila ni John Lloyd.