Tila clueless ang dating Azkals player na si Aly Borromeo sa lumalabas na balitang break na raw sila ng actress-TV host na si KC Concepcion.
Eksklusibong nakausap ng PEP.ph (Philippine Entertainment Portal) si Aly sa launch ng Rustan’s Activewer sa Makati City noong March 1.
Dito ay kinumusta namin sa kanya si KC.
Base sa kanyang pahayag, nananatiling maayos ang relasyon nila.
Sabi ni Aly, “She is very okay!
“We’re very close to each other, we’ve been like that ever since.
“So, I guess, right now, we’re working on things outside our relationship in terms of business, more on getting to the next level, working on things, getting to the next level.”
Ang ibig ba niyang sabihin sa "next level" ay ang planong pagpapakasal?
“Maybe soon. Maybe next year,” sagot ng 34-year-old football star.
Pero wala pa raw sila talagang napag-uusapan tungkol sa pagse-settle down.
“Hindi pa, hindi pa, hindi pa…
“We’ll see, there’s no plans naman yet.
“But what is important is KC and I have a good relationship, and our communication is always very good.”
Halimbawang magdesisyon na silang magpakasal, ipapaalam ba nila ito sa publiko?
“Of course, of course.
“It’s all up to her, what she wants to do.
"But right now, we’re not talking about marriage.
"We’re concentrating on our personal career at the moment."
PART OF THE FAMILY. Since nakakasama siya sa family trips and family dinner nina KC, tinanong ng PEP.ph si Aly kung kung kumusta siya sa mga magulang nitong sina Sharon Cuneta at Gabby Concepcion.
“I love them,” mabilis na sabi ni Aly.
“I have so much fun with them, and I always have laughter and joy with them. It’s so much fun!
“They’re so warm, that family.”
Napalapit na rin daw siya sa mga nakababatang kapatid ni KC.
“I love the kids. I love Miguel... Miguel kasi he plays soccer, I teach him also, helping him along.
“And then Frankie and Miel also in terms of art. We’re very close.”
Halos two years na rin mula nang inamin ni KC na nagde-date sila ni Aly.
Paano siya naimpluwensiyahan ni KC?
“I think ... for her, she drives me like no other, she’s everything I’m not.
“Kasi I grew up always an athlete in my life.
“She made me explore the world, everything that’s out there beside football, everything outside the game.
“There’s more to life, she brought me into the next step.”
Sa ngayon, magpo-focus muna raw si Aly sa mga puwede niyang gawin ngayong retired na siya from football.
Si KC naman ay sinimulan na rin ang kanyang passion project involving jewelry.
Saad ni Aly, “As of now, we’re still busy on our business.
"Siyempre ako naman, I’m also going on a transition because I’ve just retired from football.
“I’m focusing on business as well.”