Tetchie Agbayani explains why people in showbiz are more prone to depression

IMAGE Noel Orsal

Tetchie Agbayani, who has a masters degree in counseling psychology from Ateneo De Manila University, says actors are prone to depression because of the nature of their job. "Kasi ang actors, ang buhay nila, they do a good project, they get so much accolade. Ang daming papuri. So from being high, feeling on top of the world, 'tapos sa susunod na buwan wala kang trabaho, depress-depress ka naman."


Ang beteranang aktres na si Tetchie Agbayani ay may Masters Degree in Counseling Psychology mula sa Ateneo De Manila University.

Nagturo rin siya ng Abnormal Psychology sa St. Joseph's College, kung saan siya nagtapos ng kursong BS Psychology.

Ayon kay Tetchie, mas prone sa depression ang mga artista dahil na rin sa uri ng kanilang trabaho.

“I think actors are prone to depression by the very nature of the job we do,” simula niya.

“Kasi, ang actors, ang buhay nila, they do a good project, they get so much accolade.

"Ang daming papuri. ‘Ang husay niyang umarte! Ang husay!’

“Nung natapos ang project, biglang ang tumal! Walang trabahong dumadating.”

Patuloy niya, “So from being high, feeling on top of the world... 'tapos sa susunod na buwan wala kang trabaho, depress-depress ka naman.

“So, I think, actors are prone to being bipolar.

"Yung depression na bipolar na tinatawag, yun ang aking hypothesis."

Ayon sa National Institute of Mental Health, and bipolar disorder ay isang uri ng sakit na nagdudulot ng pag-iiba ng mood, energy, at activity levels ng isang tao.

Ayon pa sa kanilang website, "These moods range from periods of extremely 'up,' elated, and energized behavior [known as manic episodes] to very sad, 'down,' or hopeless periods [known as depressive episodes]."

Nakikita ni Tetchie ang mga ganitong sintomas sa mga kapwa artista.

Kahit general ang pagkaka-profile niya, swak ang kanyang paglalarawan kay Baron Geisler, na ngayon ay nasasangkot naman sa away-pamilya.

“Exactly!” seryosong bulalas ni Tetchie.

Paliwanag niya, “Kasi, by the very nature of our job, kung nakakapit ka lang sa trabaho mo, yun lang ang be-all and end-all mo, yung pagiging artista mo.

“Maganda kung may project ka.

“Pero pag tapos na ang project mo at matumal, wala kang project, doon ka naman nada-down.

“Nade-depress ka.

“So, ang mga artista, I think, they’re prone to manic-depressive disorder. Bipolar disorder.”

ADVERTISEMENT - CONTINUE READING BELOW

Nakapanayam ng PEP.ph (Philippine Entertainment Portal) si Tetchie sa presscon ng bagong afternoon drama series na Contessa sa GMA Network Center, Quezon City, noong Lunes, March 5.

A SERIOUS PROBLEM. Seryosong paliwanag ni Tetchie, hindi dapat binabalewala ang depression.

Aniya, “Ang depression is not a laughing matter.

"Ang taong may depression, hindi ‘yan yung nagkukunwari lang, nagpapapansin lang, KSP lang ‘yan. It’s not true.

“Yung depression, may element 'yan ng chemical imbalance.

“Ang depression can be caused by situational... meaning, problema sa pamilya, or sa school, o sa kapaligiran niya, nade-depress siya.

“Pero meron ding element ng chemical imbalance in the brain.

“Hindi pa talaga natutukoy nang bonggang-bongga dahil, sa totoo lang, the study of the brain is a very, very young field.”

Patuloy ng aktres, “Ang science, umiinog.

"Yung dating alam ngayon, bukas, mas marami nang alam. Mas marami nang natutuklasan.

“Kaya yung karunungan pagdating sa... ang utak na nag-aaral sa utak, umiinog ‘yan. Nag-i-improve ‘yan.

“So, ako, I’m very sensitive sa mga suffering from some psychological depression, or some psychological disturbances.

“I’m very sensitive to that. Kasi, inaral ko.”

FAITH'S ROLE IN RECOVERY. Ayon pa kay Tetchie, may mga taong nade-depress na kumakapit sa faith, sa relihiyon, upang maalpasan ang kanilang sitwasyon.

Sa kabilang banda, may mga adik o alcoholic ding nagsasabing wala silang problema sa Diyos, ngunit hindi sila makawala sa bisyo.

“Meron kasing pag-aaral na sinasabing ang faith, merong nagagawa sa mga pasyente,” seryoso pa ring lahad ni Tetchie.

“There’s some people, may two groups of subjects, pinagkumpara yung results ng tests nila.

“Iyong mga taong may pinanghahawakang faith or, like, let’s say, yung mga taong nagsisimba regularly, merong psychological well-being silang nade-derive doon.

“So, ang resiliency nila to bounce back sa mga nakakagulong sitwasyon sa mundo nila, mas madali.

“Iyong hindi nagsisimba, walang ganung activity, nagsosolo lang lagi, wala namang mga family support masyado, mas medyo matagal ang bounce-back nila.

ADVERTISEMENT - CONTINUE READING BELOW

“So, meron ding pag-aaral na pinatunay na ang taong may faith, nagsisimba, may ginagawang ano, mas mabilis [ang recovery].

“Maganda yung resiliency to bounce back from any psychological disturbances as compared to those who are atheist, let’s say, yung hindi naniniwala sa Diyos, hindi nagsisimba.

“Iyong ganun, e. Hindi niyo ba napapansin? And it makes sense.

“Di ba, tayo, pag bigat na bigat na ang puso natin, we go to church. Paglabas natin, mas feeling okay tayo.

“Iyong pagsisimba mo every week, nakakagaan sa kalooban mo yun. Na naitatawid mo yung isang linggo mo na hinaharap, na mas okay ka.

“Pero yung hindi nagsisimba, halimbawa, matagal kang hindi nagsisimba, Katoliko ka naman, mas madali kang ma-bother.

“Di ba, ganyan?”

Ayon pa kay Tetchie, hindi porke't may kakaiba sa isang tao ay may problema na ito sa pag-iisip. 

“Most of us are,” mabilis niyang tugon sa tanong kung makukunsidera niya ang sariling normal mentally at emotionally.

“Oo, we have quirks, we have idiosyncrasies.

“But even if we have quirks and idiosyncrasies, it doesn’t mean na psychologically disturbed ka.

“Merong mga taong eccentric. Like ako, may eccentricities din, e.

“But doesn’t mean na ako ay psychologically disturbed.

“Kaunti lang naman sa population yung psychologically disturbed, kung tutuusin.”

LOVE AND ATTENTION. Ibinahagi rin Tetchie na naging malapit sa kanya ang mga pasyenteng may psychological disorders noong mga panahong siya ay nagpa-practicum.

Kuwento niya, “Ako po kasi, malapit sa puso ko... well, noong Psychology student ako, nag-clinical practicum ako sa isang psychiatric hospital.

“So now, if you ask me—that was in college and in grad school—doon ako sa clinical setting lagi nagre-request. Gusto ko dun!

“Para sa akin, malapit sa akin yung mga pasyenteng may psychological problem. Sila ang paborito kong tao sa mundo.

“I guess, because somehow the brokenness in me relates to their brokenness. You know what I mean?

ADVERTISEMENT - CONTINUE READING BELOW

“For me, like... when I started teaching, I like to teach Counseling Psychology, and I like to teach Abnormal Psychology.

“Para sa akin, yun ang pinaka-favorite kong ituro, although ang hirap ituro ang Abnormal Psychology.

“But I always stress to my students na, you never look down to people with psychological disorder, like, people who are autistic, or people who are mentally retarded.

“You never look down on them. Because before you know it, sila, sigurado nasa langit. Kayo, hindi pa.

“Iyon ang edge nila. They don’t know any better.

"So, whatever they do, they don’t commit any sins.

“But you who’s a thinking person, you are capable so easily of committing sins.

“Sila, napakainosente. So, they deserve our love, our sympathy, our attention.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN