Nagsalita na rin si KC Concepcion tungkol sa balitang break na raw sila ni Aly Borromeo.
Ito ay pagkatapos pabulaanan ng retired football player ang balita sa eksklusibong panayam niya sa PEP.ph (Philippine Entertainment Portal).
Stories We Are Tracking
Sa ulat ng ABS-CBN News Online kay KC ngayong Huwebes, March 8, pinatotohanan niya ang sinabi ni Aly na sa kasalukuyan ay naka-focus silang dalawa sa kani-kanilang karera at negosyo.
Pahayag ng 32-year-old actress-TV host, “We really both are very independent and I think that we will always have that connection where he knows I am there for him and I also know that he’s always going to be there for me.
“But right now, ever since the -ber months, it’s just been really crazy with soccer, with football, and his career, and then I am also launching a jewelry line and I also have all these things happening.
“It’s almost like we are two independent people that are choosing to just prioritize right now.
“I think when the right time comes, then we can really prioritize the relationship.”
Maayos daw ang dalawang taon nilang pagsasama, pero may mga bagay raw na hindi nila maiwasang mangyari.
Sa ngayon, binibigyan daw muna nina KC at Aly ng espasyo ang isa’t isa upang magawa ang mga gusto nilang gawin para sa ikabubuti nila pareho.
Sabi pa ni KC tungkol kay Aly, 34, “The good thing with Aly is that it doesn’t really get so dramatic.
“His mental space, his mind is really with sports and his career right now.
"I know that he needs that to be able to be a really good partner to have.
“You have to feel complete on your own to be able to be complete in a relationship.”
Hindi direktang kinumpirma o pinabulaanan ni KC kung break na nga ba sila o sila pa rin.
BREAKUP RUMORS. Nagkaroon ng haka-haka ang netizens na naghiwalay na ang dalawa dahil hindi na sila nagpu-post ng mga larawang magkasama sa kanilang social media accounts.
Lalo pang uminit ang isyu dahil lumipas ang Valentine’s Day ay wala pa rin silang post na magkasama.
Sa isang panayam noong Enero ngayong taon, sabi ni KC na “okay” at “super, super close” pa rin sila ni Aly.