Aminado si Kris Aquino na magiging demanding siya sa future girlfriend ng bunsong anak na si Bimby Aquino Yap.
Sa kanyang Instagram post nitong Martes, March 13, sinabi ng host-actress na mabilis ang paglaki ng kanyang anak sa dating asawang si James Yap.
Sa April 19 ay ipagdiriwang na ni Bimby ang kanyang 11th birthday.
Sa comments section, isang netizen ang nagtanong kung handa na ba si Kris sakaling magkaroon na ng girlfriend ang bunsong anak.
“Yes,” sagot ni Kris.
Pero may mga kundisyon daw siya sa magiging girlfriend ni Bimby.
“We have a deal, I have to like her Mom & she has to be smart, studious, prayerful, and pretty,” sabi ni Kris.
Idinagdag din niya ang hashtag na "#demanding."
PEP Live