Isang mensahe ang ibinahagi ng aktres na si Cherie Gil sa Facebook kaugnay ng pagkamatay ng dating aktor na si Rolly Quizon.
Si Rolly ay pumanaw noong Huwebes, March 15, dahil sa aneurysm, sa edad na 59.
Sa kanyang mensahe, tinawag ni Cherie ang dating aktor na "my first love."
Lumalabas na may namagitan sa kanila ni Rolly noong kabataan nila.
Naging malaking bahagi raw ng buhay ng award-winning actress ang yumaong aktor.
Ito ang buong mensahe ni Cherie sa kanyang Facebook post kahapon, March 16:
"He passed away... so soon... so young... reminding me of what once was... between us... I will never forget... the first experience, the life of wantonness, my first love... if you only knew then... what you meant to me... until now... that moulded me... to who and what I am... I thank you Rolly. I always and will cherish you in my life... Rest up now."
Si Rolly ay anak ng yumao na ring Comedy King na si Dolphy.
Lagpas isang linggo bago pumanaw si Rolly ay binawian din ng buhay ang kanyang half-brother na si Dino Quizon sa edad na 45.