Tinupad ng Kapuso actress na si Bianca Umali ang kanyang pangako na pagkatapos ng kanyang debut party noong nakaraang March 17 ay magkakaroon ito ng charity work bilang pagpapasalamat at pag-share niya ng mga blessings na natatanggap niya.
Kailan lang ay lumipad si Bianca patungong Marawi City at pinasaya niya ang maraming kabataan at kababaihan na naapektuhan ng naging kaguluhan doon.
Sa tulong ng World Vision Philippines kunsaan isa si Bianca sa youth ambassadors for education, hindi sinayang ng bida ng Kambal, Karibal ang kanyang buong araw doon dahil tinuruan niyang magbasa at kinuwentuhan niya ang mga bata at mga kababaihan doon.
Unforgettable nga raw ang experience na iyon para kay Bianca dahil first time niyang makarating sa naturang Islamic City.
Heto ang pinost ni Bianca sa kanyang Instagram account noong nakaraang March 23:
Makikita sa photos na napapaligiran ng maraming bata si Bianca at makikita ring dinamitan ang aktres ng traditional Muslim dress.
Marami pa raw gustong tulungan na mga kabataan si Bianca at sa kanyang pagiging ambassador ng World Vision ay matutulungan siyang abutin ang ilan pang mga kabataan na sabik na makapag-aral.
THANKFUL TO MIGUEL. Sa isa pang post ni Bianca, nagpasalamat naman ito sa kanyang loveteam partner na si Miguel Tanfelix dahil sobra siyang napasaya nito noong nakaraang debut niya.
Bukod sa pag-amin ni Miguel na gusto na niyang maligawan nang pormal ang aktres, niregaluhan pa niya ito ng all-expense-paid trip to Japan.
Sa isang IG post ni Bianca, pinost niya ang pic nila ni Miguel na magkasama at naglagay ito ng sweet na mensahe para sa kanyang ka-loveteam.