Noong Black Saturday, March 31, ipinagdiwang ng Kapuso actor na si Benjamin Alves ang kanyang ika-29 kaarawan.
Pero ayon kay Julie Anne San Jose, hindi sila nakapag-celebrate together ng rumored boyfriend dahil pareho raw silang busy.
Pahayag ng Kapuso singer-actress, “We didn’t get to celebrate, I mean, I don’t get to celebrate his birthday.
“Medyo busy po kasi siya sa movie. So, buong Holy Week, nagwu-work po siya.
“Ako din po, nagwu-work din, I am working din.
"'Tapos, malapit na din po kasi yung My Guitar Princess."
Ang My Guitar Princess ang bagong teleserye na pagbibidahan ni Julie Anne sa GMA-7.
Dagdag pa niya, “Hindi pa po kami ulit nagkikita. I hope we find time.”
Nakausap ng PEP.ph (Philippine Entertainment Portal) si Julie Anne sa media conference ng 3 Stars, 1 Heart noong Huwebes, April 5.
Gaganapin ang nasabing concert sa CSI Stadia sa Dagupan sa April 14.
Makakasama ng Asia's Pop Sweethear na si Julie Anne ang Asia's Romantic Balladeer na si Christian Bautista at ang Asia’s Songbird na si Regine Velasquez.