Bumuhos ang pagbati kay Jasmine Curtis-Smith sa pagpirma nito ng exclusive conntract sa GMA-7 nitong Martes, April 17.
Idinaan sa social media ng kanyang mga kaibigan—mula sa Kapamilya at Kapuso networks—ang pag-abot nila ng pagbati kay Jasmine.
Kabilang na rito ang ate niyang si Anne Curtis na nasa bakuran ng ABS-CBN.
Naging artista ng GMA-7 si Anne mula 1996-2003 bago siya lumipat sa ABS-CBN noong 2004.
Tweet ng It’s Showtime host: “Congratulations my baby girl! I’m just down the street if you need me.”
Congratulations my baby girl! I’m just down the street if you need me ?? https://t.co/J4ADcixLnm
— Anne Curtis-Smith (@annecurtissmith) April 17, 2018
Bumati rin via Instagram ang ABS-CBN stars na sina Luis Manzano at Iza Calzado.
Si Iza ay matagal ding naging Kapuso (1992-2012).
Nag-congratulate din sa bagong Kapuso actress si Alex Gonzaga, isa ring Kapamilya at dating TV5 star gaya ni Jasmine.
Mainit naman ang pagtanggap ng GMA-7 artists na sina Gabbi Garcia, LJ Reyes, Iya Villania, Rodjun Cruz, Edgar Allan Guzman, at Chynna Ortaleza kay Jasmine.
Umaasa naman sina Carla Abellana at Alyana Asistio na makatrabaho nila si Jasmine sa ilang proyekto sa kanilang home network.
