Nilinaw ni Sofia Andres na isa pa rin siyang Kapamilya.
Sa pamamagitan ng kanyang Twitter account ngayong Huwebes ng umaga, April 19, pinabulaanan ng young actress na lilipat siya ng network.
“It’s not true that im gonna transfer network, im proud to be a kapamilya have a nice day everybody!” sabi ni Sofia.
it’s not true that im gonna transfer network, im proud to be a kapamilya ???? have a nice day everybody!
— Sofia Andres (@iamsofiaandres) April 19, 2018
Hindi nabanggit ni Sofia kung saan nanggaling ang balitang lilisanin na niya ang ABS-CBN.
Ngunit marahil ay bunsod ito ng pagkamatay ng kanyang karakter na si Mayari, matapos ang ilang linggo pa lamang na pag-ere ng prime-time fantasy series na Bagani.
Isa si Sofia sa itinuturing na lead characters dito. Kasama niya rito sina Liza Soberano, Enrique Gil, Matteo Guidicelli, at Makisig Morales.
Kapansin-pansin din ang pagkawala niya sa promo materials ng Star Creatives para sa programa.
Ibig sabihin din kaya nito ay hindi na posibleng bumalik si Mariya sa Bagani?