Tila hindi pa nagkakaayos ang mag-inang sina Jenine Desiderio at Janella Salvador, base sa maiksing comment ng seasoned singer-actress sa social media.
Kahapon, May 13, nag-post si Jenine sa Instagram ng video ng kanyang bunsong anak, kapatid ni Janella, na binabati siya ng Happy Mother’s Day.
Sa comments section, isang netizen at fan ni Janella ang nagsabi kay Jenine na sigurado itong binati siya nang personal ng panganay na anak.
Maikling sagot ni Jenine: “No, she didn’t.”
Nagsimulang mabalita ang hidwaan ng mag-ina noong 2017 sanhi ng sunud-sunod na makahulugang tweets ni Jenine.
Inamin naman ng ina ni Janella na malalim ang pinag-uugatan ng hidwaan nilang mag-ina.
Kapansin-pansin sa mga ginawang tweets ni Jenine na malaki ang kinalaman dito ng onscreen partner at rumored boyfriend ni Janella na si Elmo Magalona.
Sa kanyang pinakahuling interview naman, hiningi ni Janella ang privacy sa di pagkakaunawaan nilang mag-ina.