Donita Rose forgives ex-husband Eric Villarama

IMAGE Mark Jesalava

Donita Rose explains how she has completely forgiven ex-husband Eric Villarama.


Napatawad na nang ganap ni Donita Rose ang ex-husband niyang si Eric Villarama.

Ikinatuwa naman ito ng 13-taong-gulang nilang anak na si Joshua Paul o JP.

Kuwento ni Donita, bagamat nagkahingian na sila ng tawad sa isa't isa ni Eric noon, may mga pasulpot-sulpot pa rin daw na isyu at tampuhan.

“Throughout the years, after the breakup, we would say sorry to each other,” matamang lahad ni Donita.

“Pero parang... alam mo yung sincere ako, 'tapos may hirit na naman siya.

“'Tapos, may mood siya.

“Itong recently lang, yung Valentine’s, exactly lang Valentine’s Day.

“I guested on Magandang Buhay, February 13.

“Iyong topic was Valentine’s Day.

“'Tapos, they asked, ‘O, kumusta na ang love life mo?’ Ganyan-ganyan-ganyan.

“Sabi ko, ‘Ay, naku! Walang love life!

“Then I remembered, nung Valentine’s Day three years ago, doon ko siya nahuli na may babae.

“That’s another long story.”


Stories We Are Tracking

Donita Rose reveals how she discovered ex-hubby's infidelity
Donita Rose reveals how she discovered ex-hubby's infidelity

Patuloy na kuwento ni Donita, “So, three years later, wala na kami, so I said, ah... parang, I’ve forgiven him. Everything is good na.

“Pero in my heart, alam ko na parang, hindi siya one hundred percent.

“And I think, for life, if you go through something like what I go through, seasons yun, e.

“Kasi parang everything can be perfect, na nagkaayusan na kayo, mamaya may bagong isyu na naman.

“'Tapos, buwiseeet!!!

“Parang nakakaano... di ba, parang babalik yung sama ng loob, whatever?

“Parang ganun, may up and down.”

Nakausap ng PEP.ph (Philippine Entertainment Portal) si Donita noong Mother’s Day, Mayo 13, Linggo ng hapon, sa 81 SeiHai Sushi Lounge, Timog Avenue, Quezon City.

FORGIVING HER EX. Ikinuwento rin ni Donita kung ano ang nangyari kaya lubusan na silang nagkapatawaran ni Eric.

“Then, nung Valentine’s Day [this year], may assignment yung son ko, e.

“Parang nag-usap kami [ni Eric] about this project.

ADVERTISEMENT - CONTINUE READING BELOW

“And then, biglang nagbago yung ugali niya.

“Parang he said, ‘Nag-guest ka ba sa TV today or something?’

“Sabi ko, ‘Bakit?’

“Sabi niya, ‘Kasi maraming gustong mag-follow sa akin sa social media.’

“I said, ‘Yeah, I guested on Magandang Buhay.

“‘What was the topic?’

“‘Valentine’s Day.’

“Sabi niya, ‘Oh...’

“Kasi, alam na niya yun, e."

Dito na raw humingi ng tawad sa kanya si Eric.

Kuwento ni Donita, “Sabi pa niya, ‘You know, I wanna say sorry for everything that I’ve ever done to you.’

“It was like the first time na siya yung [nag-initiate]."

Mayroon din daw naging hindi pagkakaunawaan sina Donita at Eric na may kinalaman sa isyu ng tuition fee ng kanilang anak.

Tila tinimbang-timbang na mabuti ni Donita ang sasabihin, “Then he said... ahh... parang... ‘Nagpadala ako ng tuition.’

“Kasi, ang usapan lang namin is, kalahati ng tuition, yun lang, para lang walang gulo.

“'Tapos, nag-skip siya ng year.

“Siyempre masama ang loob ko, di ba?

“Then, he said to me, ‘Nagpadala ako,’ so I said, ‘Thank you!’

“'Tapos, sabi niya, ‘For next year.’

“Sabi ko, ‘Nag-skip ka ng year!’

“Sabi ko, ‘So, linawin mo na lang! Let’s make it clear na lang na it’s for this year. Kung ayaw mong magbigay next year, okay lang sa akin. Basta, huwag nating guluhin pa.’

“And then, nag-sorry siya.

“He said, ‘You know, I wanna say sorry. Kasi, alam ko, naging issue ‘to six months ago... 'tapos, I remember I said this to you.’

“He repeated some hurtful things. And then he said, ‘I wanna apologize for saying those things.’

“'Tapos, umiyak na ako.

“Kasi naalala pala niya, at alam pala niya na wala sa lugar yung sinabi niya.

“'Tapos, the next day, nung 14th, sabi niya, ‘Alam mo, after our conversation last night, I feel so happy,’ sabi niya.

ADVERTISEMENT - CONTINUE READING BELOW

“Na naayos na kami.

“So, sabi niya, ‘So ngayon, ah... magpapadala rin ako ng tuition this year, yung buo.’

“So, umiyak ako!” natatawang paggunita ni Donita.

Nakangiting pagpapatuloy niya, “Then now, puwede na kaming mag-usap na walang samaan ng loob.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN