Hindi pinalampas ni Maris Racal ang pambabatikos sa kanya ng isang netizen dahil umano sa pagiging “liberated” niya, partikular na sa kanyang pananamit.
Ikinumpara rin ng netizen si Maris sa kapwa nito Kapamilya actresses na sina Janella Salvador at Loisa Andalio.
Si Janella raw ay kasing-edad ni Maris pero “mas nagpakita ng katawan” umano ang huli.
Sabi pa ng basher, si Loisa—na kasabayan ni Maris sa Pinoy Big Brother All In— ay “nagbago for the better” habang si Maris ay “parang naging wild at liberated umarte pa sya.”
Sa kanyang Twitter post noong June 14, buwelta ni Maris: “Ayan kayo. Compare agad ng mga taong di naman magkagalit :)
“stop comparing. People have differences.”
Hindi rin daw dapat gawan ng isyu ang pagsuot niya ng “revealing” na gown.
Ani Maris, “Wearing less does not make you less of a person.”
Ayan kayo. Compare agad ng mga taong di naman magkagalit :) stop comparing. People have differences. It’s just that I was invited to an event where showing some skin is required. So I did.
— Maris ?? Racal (@MissMarisRacal) June 13, 2018
Wearing less does not make you less of a person.
says the person who just compared me to another person. Is that one of your values na kineep mo parin until now? Comparing? :)
— Maris ?? Racal (@MissMarisRacal) June 13, 2018
May ilang tweets pa ang netizen na tila sinisisi ang umano’y pagiging “liberated” ni Maris sa “kakasama” nito kay Bela Padilla.
Hindi ito sinagot ni Maris.
Ngunit mismong si Bela ang umalma sa alegasyong bad influence siya kay Maris.
Pahayag ni Bela, minsan lang silang magkita ni Maris at pagwu-work out pa ang kanilang inatupag.