Kasalukuyang nagbabakasyon sa Amerika si Aiko Melendez at ang kanyang boyfriend na si Subic, Zambales Mayor Jay Khonghun.
Kasabay ng bakasyon nila sa ibang bansa ay ang paglabas sa social media ng mga post tungkol sa legal wife ng alkalde.
Inamin ni Aiko sa PEP.ph (Philippine Entertainment Portal) na nakatanggap siya ng mga pangungutya sa social media, kung saan pinaratangan siyang "third party" sa hiwalayan ng dalawa.
Pinabulaanan na ito ni Mayor Khonghun at sinabing matagal na silang hiwalay ng kanyang misis bago pa naging sila ni Aiko.
Ngunit ayaw nang magsalita ni Aiko tungkol dito.
Pero sa kanyang Instagram, tila may patama ang aktres sa mga basher ang kanyang posts.
Noong June 19, mensahe ni Aiko, “Some People Hate You Because of the way other People Love you. #strongertogether Judge no one until you know the TRUTH!!!”
Ngayong araw, June 21, sinabi ng Bagani star sa kanyang Instagram Stories: “The strongest people are not those who show strength in front of the world but those who fight and win battles that others do not know anything about.”
Sa bago niyang post sa Instagram, ipinabatid ni Aiko sa bashers na hindi sila matitinag ng boyfriend sa mga paninira sa kanila.
Sabi pa niya, “The Couples that are meant to be, Are the ones who go through everything that is meant to tear them apart, And come out even stronger :) #liberty #statueofliberty."
Nitong nakaraang Marso lamang eksklusibong inamin ni Aiko sa PEP.ph ang relasyon nila ni Mayor Jhay.