Dismayado ang complainants na sina Myra at Roel Santos sa hindi pagsipot ng respondent na si Ellen Adarna sa preliminary hearing na ginanap sa Pasig City Prosecutor's Office ngayong Lunes, June 25.
Kaugnay ito ng reklamong Anti-Cybercrime at Anti-Child Abuse na isinampa laban kay Ellen matapos akusahang "paparazzi" ang menor de edad na anak ng complainants.
Currently on: Myra and Roel Santos vs. Ellen Adarna hearing at Pasig Prosec Office pic.twitter.com/qtpqO4JjK7
— Official PEP.ph (@PEPalerts) June 25, 2018
Bandang 2:35 p.m. nang magsimula ang pagdinig sa tanggapan ni Prosecutor Mario Bautista.
Kasama ng mag-asawang Myra at Roel ang kanilang legal counsel na si Atty. Arnold Labay.
Watch: Preliminary hearing of Myra and Roel Santos Anti-Child Abuse and Anti-Cybercrime complaints vs Ellen Adarna at Pasig Prosec Office pic.twitter.com/v0y5mUI0jO
— Official PEP.ph (@PEPalerts) June 25, 2018
Naroon din ang legal counsels ni Ellen na sina Atty Romeo Saguisag, Atty. Reggie Ukol, at Atty. Des Ukol.
"I am so disappointed," pahayag ni Myra pagkatapos ng pagdinig.
Ni-reschedule ulit sa July 9 ang hearing base sa request ng kampo ni Ellen.
Hindi nakarating si Ellen dahil pinayuhan umano ito ng doktor na huwag mag-travel dahil sa pagbubuntis nito.
Ito ang ikalawang beses na na-reset ang pagdinig sa reklamo ng mag-asawang Santos.
Noong June 11 ay tanging ang boyfriend ni Ellen na si John Lloyd Cruz ang dumating sa Pasig Prosecutor's Office.
Pakiramdam ba niya ay delaying tactics lamang ito ng respondent?
Sagot ni Myra, "I don't know, you have to talk to them. Pero hindi na ako happy..."
May 15 nang pormal na ihain nina Myra at Roel ang reklamo laban kay Ellen sa Pasig Prosecutor's Office.
Ito ay matapos ang limang araw na palugit ni Myra kay Ellen na mag-isyu ng public apology kaugnay ng social-media controversy na kinasangkutan ng anak.
Hanggang sa kasalukuyan ay walang pormal na pahayag si Ellen hinggil sa isyu.