Hindi na bago ang paminsan-minsang pagpu-post ng vlogger na si Wil Dasovich ng couple photo nila ng girlfriend na si Alodia Gosiengfiao.
Ngunit naging kapansin-pansin ang pinakahuling larawan nilang dalawa kuha sa isang beach sa Los Angeles, California.
Ito ay dahil sa naka-tag na photographer nila—ang Hollywood star na si Zac Efron.
Sa caption, nagbigay ng update si Wil tungkol sa kanyang recovery mula sa cancer.
“Relax, reset, and give retrospect to the long journey that has brought you to where you are today.
“I'm well rested with the invigorating news of being cleared from my scans!
“Let’s begin the next adventure!! What type content do you wish to see for the months ahead?”
Kasunod nito ay ang makaagaw-pansing camera icon at ang tag na “@zacefron.”
Sa comment section ng parehong post niya sa Twitter at Instagram, mababasa ang pagkamangha ng followers ni Wil dahil si Zac ang naging photographer nila ni Alodia.
Taray naman ng photographer nyo, zac efron. ????????
— rhaf mauricio (@maui_imau) July 4, 2018
You and Alodia are already couple goals ???? but with Zac Efron as your photographer? FRIENDSHIP GOALS NEXT LEVEL ????????
— Krissha (@KrisshaSG) July 4, 2018
taray ng photographer
— Bea Chalamet (@thitilover) July 4, 2018
Kinumpirma ni Wil na ang The Greatest Showman actor ang kumuha ng naturang couple picture sa sagot niya sa comment ng kapwa vlogger na si Mikey Bustos.
Sabi ni Mikey tungkol sa caption ni Wil, “This is awesome to hear, Wil! And AWESOME that @zacefron took this photo!!!! Whhaaaatttt??!!!”
Sagot ni Wil, “Yes. Magaling siya sa tripod.”
Sa mga sumunod na comments, inilarawan nina Wil at Alodia kung paano nila naging “photographer” si Zac.
Sabi ni Alodia, “@zacefron is one of the very few people who was able to instantly handle my Leica well! Skills!”
Pagsang-ayon naman ni Wil, “Up to date he is 1 of 3 people who has taken a not blurry photo of us together.”
WHAT IS THE CONNECTION OF ALODIA GOSIENGFIAO'S BOYFRIEND TO ZAC EFRON?
Ang boyfriend ni Alodia Gosiengfiao na si Wil Dasovich ay ipinanganak at lumaki sa California, USA. Ang kanyang Croatian-Irish dad na si Steve ay isang merchant mariner, habang ang Filipina mom niyang si Charry ay isang interior designer. Nag-aral si Wil sa California Polytechnic State University sa San Luis Obispo, California, kung saan niya nakilala si Dylan Efron, ang nakababatang kapatid ni Zac Efron. Naging mag-best friend ang dalawa.
Sa katunayan, sa sumunod na post ni Wil, makikitang kasama niya si Dylan.
Minsan na ring nag-post ang ina ni Wil na si Charry Dasovich ng lumang larawan ng vlogger at nakatatandang kapatid nitong si Haley Dasovich, kasama si Zac.