Ilang buwan na ang nakalilipas matapos sumailalim si Gary Valenciano sa successful open heart surgery.
Marami ang umaasang kasunod nito ay makakabalik na agad ang tinaguriang Mr. Pure Energy sa kanyang regular shows, tulad ng weekly programs na Your Face Sounds Familiar Kids at ASAP ng ABS-CBN.
Sa eksklusibong panayam ng Rated K kay Gary, na mapapanood sa Linggo, July 8, isiniwalat ng local music icon ang dahilan kung bakit hindi pa siya maaaring bumalik.
“Mayroon pang ibang nangyari, mayroon pa silang ibang nadiskubre,” sabi ni Gary, na mapapanood sa short preview ng exclusive interview ni Korina Sanchez.
Kasunod nito ay ang shot kung saan sinabi ni Gary, “Pagkasabi sa akin ng doktor ay 'Mayroon kang cancer of the kidney.'”
Tila labis itong ikinalungkot ng singer dahil sa isang clip, sinabi ni Gary, “Gaano katagal pa? Kailan ba matatapos ang lahat?”
Samantala, kasunod ng paglabas ng preview ng interview ni Gary sa Rated K, inulan naman ng mensahe ang social media account ng singer.
Dahil dito, nag-post ang singer upang sabihin na, “I am now ok... and I'm ready to come back soon. Don't worry k?”
Hi everyone. Looks like many of you saw the preview of my interview on Rated K. Pls watch the entire interview this Sun on ABSCBN. There you will hear in detail what I went through. BUT do know that I am now ok...and I’m ready to come back soon????????????????????Don’t worry k? I????U all
— GARY VALENCIANO (@GaryValenciano1) July 6, 2018