Sinagot ni Cavite Vice Governor Jolo Revilla ang ilang tanong tungkol sa tatlong babaeng nauugnay sa kanya: sina Jodi Sta. Maria, Lovi Poe, at Rhian Ramos.
Kumpirmadong hiwalay na si Jolo kay Jodi.
Nali-link siya ngayon sa kanyang leading lady sa Tres na si Rhian.
At dating girlfriend naman niya si Lovi.
Sa “Ask me a question” session ng actor-politician via Instagram Story nitong Huwebes, July 12, ipinost ni Jolo ang ilan sa mga tanong ng netizens na sinagot niya.
Tinanong ng isang netizen kung mahal pa niya si Jodi.
Sagot ni Jolo, "Yes! She brought out the best in me."
Sinagot din ng FPJ’s Ang Probinsyano star ang tanong kung totoo ang mga usap-usapan tungkol sa kanila ni Rhian.
Sabi ni Jolo, “Hahaha! Were good friends!”
Una nang nilinaw ni Rhian na walang katotohanan ang mga usap-usapang may kinalaman si Jolo sa paghihiwalay nila ng kanyang ex-boyfriend na si Jason Choachuy.
Sinagot din ng 30-year-old Cavite vice governor kung paano nila napanatili ni Lovi ang pagiging magkaibigan kahit nag-break sila.
Aniya, “We were friends first before we became a couple. So, love may have ended but friendship remained.”
