Natapos na ang tatlong taong pagsasailalim ni JM de Guzman sa kanyang drug rehabilitation program ngayong Sabado, July 21.
Matatandaang sumailalim sa voluntary rehab si JM ilang taon matapos niyang magkaroon ng relapse sa paggamit ng ipinagbabawal na gamot.
Nasaksihan ng kanyang pamilya at fellow graduates ang pagtatapos ni JM.
Nakumpleto ng Araw Gabi actor ang SELF Treatment, Rehabilitation & Value Formation Program.
Ginanap ang graduation ceremonies sa Sacred Heart Auditorium, SELF Taal View House, Talisay, Batangas.
Nag-post sa Facebook ang kanyang amang si Ronniel de Guzman ng ilan sa mga larawan sa ginanap na pagtatapos ng anak.
Bumuhos naman ang pagbati kay JM mula sa kanyang mga kapwa artista at sa mga netizens.
PEP Live