Inamin ni KC Concepcion na inspirado siya ngayon sa isang non-showbiz guy.
Pagbubunyag ng 33-anyos na anak nina Sharon Cuneta at Gabby Concepcion, boto ang kanyang pamilya sa bago niyang idini-date.
Nakakasundo rin daw ni KC ang pamilya ng special someone niya.
“I'm inspired,” pag-amin ng aktres sa panayam sa kanya ng ABS-CBN News.
Dagdag pa ni KC, “Non-showbiz siya and mahal siya ng pamilya ko, and I think nagkakasundo kami ng pamilya niya.”
Hindi Pinoy ang kanyang idini-date, subalit pusong Pinoy raw ito.
Hindi na nagdagdag ng iba pang detalye si KC.
Apat na buwan na ang nakalilipas mula nang kumpirmahin ni KC ang paghihiwalay nila ng dating Azkals football player na si Aly Borromeo.
Dalawang taon ang itinagal ng kanilang relasyon.
Dati ring naging boyfriend ni KC ang ABS-CBN actors na sina Piolo Pascual at Paulo Avelino.