Sina Glaiza de Castro, Alexa Ilacad, at Gil Cuerva ang ilan sa celebrities na dumanas ng matinding pagbaha sanhi ng walang tigil na ulang dala ng habagat simula kahapon, August 12.
Una na rito si Glaiza, na bandang 4:30 p.m. pa lang nang mag-tweet ng litrato ng kanyang van na tire-deep na ang pagkakalubog sa baha.
Na-stranded daw ang kanilang grupo sa on-location shooting sa Macopa St. Corner Biak Na Bato Barangay Sto. Domingo, Quezon City.
Bandang 7:45 p.m. muling nag-tweet ang Kapuso actress na nakalabas na siya ng location, ngunit nanawagan na nangangailangan ng rescue boats ang ilan pa niyang kasamahang na-stranded sa lugar.
Ang sakit pag nakikita mo yung sasakyan ming ganito :( pic.twitter.com/K0D6A2WbMJ
— Glaiza de Castro (@glaizaredux) August 11, 2018
Nakaka frustrate mag basa ng tweets. Nag eexpect sana ng kahit anong suggestion o tulong. Sana hindi niyo ma experience ito.
— Glaiza de Castro (@glaizaredux) August 11, 2018
Nakalabas na kami ng location pero may mga naiwan pa dun at kung may alam kayong matatawagang extra boats na pwedeng mag rescue, please let me know. Salamat po.
— Glaiza de Castro (@glaizaredux) August 11, 2018
ALEXA ILACAD
Si Alexa naman ay na-stranded sa San Roque, Marikina, base sa kanyang tweet bandang 11:18 p.m.
Ayon sa Kapamilya actress, “chest deep na yung baha” sa isang establishment sa Gil Fernando Street, San Roque, Marikina noong mga oras na iyon.
Bagamat “safe” daw siya at ibang kasamahan sa second floor ng establishment, humingi ng tulong si Alexa dahil patuloy ang pagtaas ng tubig sa lugar.
Please help us. Chest deep na yung baha. We're at Omakase, Gil Fernando st., San roque, Marikina. Safe naman kami dito sa 2nd floor ng building pero tumataas ng tumataas ang tubig. pic.twitter.com/rhWlNIKxWx
— Alexa Ilacad (@alexailacad) August 11, 2018
Bandang 12:25 a.m., nag-tweet si Alexa na “nilusob” nila ang baha hanggang Marcos Highway ng Marikina.
Update: nilusob namin baha hanggang marcos hiway. nasa safe land na kami. Maraming salamat sa prayers nyo!! https://t.co/LBsWWcohHq
— Alexa Ilacad (@alexailacad) August 11, 2018
At 2:06 a.m. naghayag si Alexa na siya ay “completely safe” at tuluyang nakaalis sa binahaang lugar.
I am now completely safe. I just want to say THANK YOU SO MUCH sa lahat ng nag dasal, nagpatawag/nagtweet ng rescue, at sa lahat ng nag alala para sakin. To my StarMagic family, & to all my loved ones, thank you so much. I love you. Na appreciate ko ang bawat isa sainyo. ????♥? pic.twitter.com/dL7JVr4e3Y
— Alexa Ilacad (@alexailacad) August 11, 2018
GIL CUERVA
Ang Kapuso actor na si Gil Cuerva ay nagbahagi rin ng litrato ng harap ng kanilang bahay na pinasok na rin ng baha mula sa kalsada.
Ani Gil sa kanyang Instagram Story, "This is the situation outside our house... our street is flooded..."
Dagdag niya sa hiwalay na post, "This is crazy..."
