Maraming mga tagahanga nina Angelica Panganiban at Carlo Aquino ang tila nabigyan ng pag-asang magkakabalikan ang dating magkarelasyon.
Ito ay kasunod ng sweet birthday message ni Angelica, 31, para sa ex-boyfriend na nagsi-celebrate ng kanyang ika-33 kaarawan ngayong araw, September 3.
Mensahe ng Kapamilya actress para kay Carlo sa Instagram: “Sa’yo lang hindi nagbago ang salitang pagmamahal.
“Maligayang kaarawan @jose_liwanag.”
Sinamahan niya ito ng larawan na magkayakap silang dalawa.
Puro naman mensahe ng pag-asa at kilig ang komento ng mga tagahanga ng CarGel, ang tawag sa hukbo ng fans nina Carlo at Angelica.
Nitong mga nakaraang buwan, lumakas ang bulung-bulungang muling nanumbalik ang magandang pagtitinginan ng dating magkasintahan.
Anim na taon tumagal ang relasyon nina Angelica at Carlo, mula taong 2000 hanggang 2006.