“I am now broken...” bahagi ng Instagram post ni Kris Aquino nitong Martes ng gabi, September 25.
Isiniwalat ni Kris na nasasangkot siya ngayon sa isang problema kung saan maaaring mawala sa kanya ang pinagpagurang pera na nagkakahalaga ng milyun-milyong piso.
Ito ay dahil sa panloloko raw sa kanya ng isang taong pinagkatiwalaan niya.
Sa mahabang post ng TV host/actress/social media influencer, ipinaliwanag niyang kaya siya nananahimik sa social media dahil sa payo na rin ng kanyang legal team hangga't hindi pa natatapos ang kinahaharap na kaso.
“The reason you haven't seen me post new pics is because I lost weight in the last 6 weeks, unable to eat or sleep properly...” mensahe niya.
Kalakip ng post ay photo slides, kasama ang mga larawan ni Kris bilang patunay na pumayat siya at kulang sa tulog dahil sa kinakaharap na problema.
Pero nagdesisyon daw siyang magsalita tungkol dito dahil na rin sa paghanga ng supporters niya dahil sa kanyang katatagan.
“I decided to set myself free & share w/ you what affected me.”
BROKEN TRUST
Makahulugang post ni Kris, “Broken trust is like shattered glass, as you try to pick up the pieces, your wounds bleed even more.
“My PAIN comes from my fear that tens of tax paid millions from my son's trust funds, money I conscientiously saved for them because I made a deathbed promise to my MOM that Kuya Josh & Bimb will always comes first, baka mawala lahat ng pinagpaguran ko dahil sa kanila.
“It is WRONG that the 2 BOYS I LOVE THE MOST, MY LIFE'S MEANING & INSPIRATION may suffer consequences because I was targeted & deceived by a person with no conscience,” pahayag ng 47-anyos na aktres.
Ipinapaubaya na raw ni Kris ang settlement o legal battle sa kanyang mga abogado.
“auditing and accounting firms I TRUST, the word of honor of his deeply shamed mother & sister that all my investments shall be returned, and our collective PRAYERS that JUSTICE for my sons will prevail...”
Hindi tinukoy ni Kris kung sino ang taong pinatatamaan niya.
Iniisip din daw ni Kris na may aral kaya pinagdadaanan niya ang ganitong “humiliation.”
“To have first hand experience pag niloko ka sa pinaghirapan kong pera—dahil nga may BOSES ako at yung boses na yun dapat gamitin para MAGSALITA at IPAGTANGGOL ang mga napipilitang manahimik.
“I still firmly believe: ang TAMA NILALABAN.”