Hindi na napigilan ni Robi Domingo na isapubliko ang pausbong na relasyon nila ng rumored girlfriend niyang si Maqui Pineda.
Ito ay matapos ibahagi ni Robi ang litrato nila ni Maqui sa mismong kaarawan ng binata kahapon, September 27.
Kuha ang litrato habang sakay ng boat sina Robi at Maqui na parehong nakasuot ng scuba-diving wetsuit.
Makikita rin sa flat lay ng Instagram post ni Robi na ang photo print, greeting card, at stuff toy na Picachu.
May written text ang tila missing-you greeting card na nagsasabing "BOO-HOO BLUE-THAT'S ME WITHOUT YOU!"
Unang namataan ng PEP.ph (Philippine Entertainment Portal) si Robi kasama si Maqui—ang non-showbiz girl na napababalitang dini-date niya—sa premiere night ng pelikulang BuyBust noong July 23.
Nasundan pa ito ng pambubuking kay Robi ng kaibigan niyang si Alex Gonzaga.
Nahuli ni Alex sina Robi at Maqui na nagmu-malling noong mid-August.
August 30 nang kumpirmahin ni Robi na batchmates sila ni Maqui sa Ateneo de Manila University.
Noon pa raw sila magkakilala, ngunit nitong taon lang nagkaroon ng pagkakataong magkamabutihan.
Sa hiwalay na panayam ng PEP.ph, sinabi ni Robi na nasa "dating" stage pa lang sila ni Maqui.
Anong katangian ang pinakanagustuhan niya sa dalaga?
"Wala akong ibinigay na criteria, e. Pero binigyan ko ng four stars, e," nakangiting sagot ni Robi.
Dugtong niya, "Basta alam ko, masaya ako.”