Muling magiging star-studded ang eleksyon sa Quezon City sa 2019 dahil sa pagtakbo ng ilang artista at kilalang personalidad.
Sa labanan para sa bise alkalde, kakandidato ang third-termer second district councilor at Ang Probinsyano actor na si Roderick Paulate.
Makakatunggali niya ang anak ni Senate President Tito Sotto na si Gian Sotto, na kasalukuyang konsehal sa third district.
Si Roderick ang running mate ni former congressman Chuck Mathay, ama ng aktres na si Ara Mina, na kapatid naman ng boyfriend ni Sunshine Cruz na si Macky Mathay.
Si Gian ang running mate ni incumbent Quezon City Vice Mayor Joy Belmonte, na pupuntiryahin naman ang puwestong babakantehin ni Mayor Herbert Bautista.
Nag-file na ng kanilang certificate of candidacies (COC's) ang mga nasabing pangalan ngayong Huwebes, October 11.
Kasama ni Gian sa pagpa-file ng kanyang COC ang amang si Senator Sotto at mga kapatid.
Nagsilbi ring vice mayor si Tito Sotto sa Quezon City, mula 1988 hanggang 1992, bago ito tumakbong senador.
Ang ina ni Gian ay ang veteran actress na si Helen Gamboa.