Mariel de Leon congratulates Ahtisa Manalo for 1st runner-up finish in Miss International 2018

IMAGE Courtesy: @marieldeleonofficial on Instagram

Mariel de Leon happy for her successor Ahtisa Manalo's first runner-up finish in Miss International 2018 pageant: "Congratulations to our Filipina doll for the runner-up finish!"


Proud na proud si Bb. Pilipinas International 2017 na si Mariel de Leon sa tagumpay ng kanyang successor na si Bb. Pilipinas International 2018 na si Ahtisa Manalo.

Si Ahtisa ang tinanghal na first runner-up sa katatapos lamang na Miss International 2018 na ginanap sa Tokyo, Japan.

Ang kandidata mula sa Venezuela na si Mariem Velazco ang kinoronahan bilang Miss International 2018.

Sa Instagram kahapon, November 9, nagpost si Mariel ng kanyang mensahe para kay Ahtisa kasama ang picture nila noong nag-turn over siya ng korona sa beauty queen.

Saad niya, “Today is undoubtedly your day! I 100% believe in you.

“You have my support and the support of the whole country!

“Just have fun! Leave it all up to Him! God bless Ahtisa! #MissInternational2018 #MissPhilippines.”

Pagkatapos ng pageant, in-update ni Mariel ang kanyang post.

Dagdag pa niya, “UPDATE: Congratulations to our Filipina doll for the runner-up finish!

“You did amazing! We are all proud of you!

“You are a true queen. May God bless you on the next chapter of your life.”

Si Mariel ay lumaban sa Miss International sa Tokyo, Japan, noong November 14, 2017, ngunit hindi siya nakapasok sa Top 15.

Ang Pilipinas ay mayroon nang anim na Miss International crowns.

Kabilang sa mga Pilipinang nag-uwi ng korona bilang Miss International ay sina Gemma Cruz (1964), Aurora Pijuan (1970), Melanie Marquez (1979), Lara Quigaman (2005), Bea Rose Santiago (2013), at Kylie Verzosa (2016).


ABOUT THE AUTHOR

Lead Correspondent, Top Story Man '12, Stringer of the Year '13, Top Contributor '14, Staff Reporter of the Year '15-'16 @arnielcserato (Twitter/Instagram)


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN