Nakalabas na si Keanna Reeves mula sa pagkakapiit nito sa Cabuyao Police Station sa Cabuyao, Laguna, dahil sa kasong cyberlibel.
Inaresto si Keanna ng mga operatiba ng Criminal Investigation and Detection Group (CIDG)-Laguna sa labas ng kanyang tinitirhang condo sa may Scout Ybardolaza, Quezon City, noong ng Lunes, November 12.
Nag-ugat ang pagkakaaresto ng aktres dahil sa kasong cyberlibel na isinampa laban sa kanya ng negosyanteng si Nancy Dimaranan bunsod ng mga pagbabanta at pagmumura nito sa kanya noon sa Facebook.
Sa presinto ng Cabuyao Philippine National Police (PNP), sumailalim sa booking procedure ang dating Pinoy Big Brother big winner.
Nanatili siya sa piitan ng isang araw.
TINGNAN: Mug shot ni Keanna Reeves matapos maaresto ng CIDG Laguna Provincial Field Unit kaugnay ng kasong Cyberlibel. @DZMMTeleRadyo pic.twitter.com/ykq81bipPi
— Maan Macapagal (@maan_macapagal) November 12, 2018
LOOK | Inaresto ng mga otoridad si Keanna Reeves na may tunay na pangalang Janet Derecho Duterte kaninang hapon sa Quezon City dahil sa kasong cyber-libel. | via Dick Garay pic.twitter.com/LPPYD2FgpN
— News5 AKSYON (@News5AKSYON) November 12, 2018
Pahayag ni Keanna sa PEP.ph (Philippine Entertainment Portal) sa pamamagitan ng Facebook messaging, “Bail lang na PHP90K tapos tuluy-tuloy na ang kaso sa korte.”
Tila ipinagbunyi naman ni Dimaranan ang sinapit ni Keanna.
Sa Facebook, nag-post ito ng ilang balita tungkol sa pagkadakip ng sexy star.