"It's not true. It's fake news."
Kinondena ni Carmina Villarroel ang fake news na nagsasabing nag-quit na siya ng showbiz upang magtayo ng sariling skincare company.
Napag-alaman ni Carmina mula kay Dolor Gueverra, ang manager ng Kapuso actress-host, ang link sa pekeng online site na nagpapalaganap ng maling balita tungkol sa kanya.
Ang headline ng fake news: "Carmina Villarroel Shocks Fans By Quitting Television And Starting Her Own Skincare Company."
Nakasaad dito na tinalikuran na ni Carmina ang showbiz upang mag-concentrate sa paglunsad ng sariling skincare brand na nagngangalang "Auvela."
Mapapansin sa upper left corner ng pekeng online set ang logo ng "PEP.ph" upang magmukhang legit ang kuwento.
Pero peke ang URL ng online site nito na: "https://pickabookstore.me/product/carmina-villaroels-new-movie/?fbclid=IwAR0C5VCHv7QNzxRMOzl7nv148pstYfzW2Oo6_zofdzGUojXvrSmU76fYB2E#forward."
Kapag clinick ang logo ng "PEP.ph," mapupunta ang reader sa online site ng "Auvela."
For the record, walang artikulong inilathala ang PEP.ph (Philippine Entertainment Portal) na nag-uugnay kay Carmina sa naturang skincare brand.
Ang exclusive agent for endorsements ni Carmina na si Shirley Kuan ang nagpaabot sa PEP.ph ng kumalat na fake news tungkol sa Kapuso star.
CARMINA'S OFFICIAL STATEMENT
Upang bigyang-linaw ang isyu, nakausap ng PEP.ph si Carmina, sa pamamagitan ng pagtawag sa telepono, ngayong Sabado ng gabi, November 30.
Dito ay iginiit ni Carmina na walang katotohanan ang impormasyong nag-uugnay sa kanya sa Auvela.
"First of all, I will not quit show business.
"Why would I? I love what I'm doing. I will not quit. There is no reason for me to quit.
"Even if I have a business—let's say I have a skincare line or another company—I will still not quit show business.
"Second, I don't endorse this product.
"Third, I don't own a skincare line and I don't have a company na for sinasabi nilang Auvela.
"I don't even know if that product exists!"
Si Carmina ay kasalukuyang host ng Sarap 'Di Ba?, ang weekly talk show ng GMA-7 kung saan kasama niya ang mga anak na sina Mavy at Cassy Legaspi.
Nagwo-workout daw si Carmina sa gym kanina nang tinawagan siya ng kanyang manager tungkol sa pekeng news na ipinapakalat ng pekeng news site, na walang anumang kaugnayan sa PEP.ph.
Sobrang nagulat si Carmina, lalo na't may bahagi ng pekeng artikulo na idinawit at siniraan ang MET Tathione, isang skin whitening brand na dating iniendorso nig aktres.
Paglilinaw pa ni Carmina, "Parang may ano dun, bina-badmouth ko yung MET.
"I will never badmouth or belittle other brands just to promote another one. I will never do that.
"Basta ako, whenever I endorse a product or a brand, it's because I believe in that product.
"Naging endorser din ako ng MET. Wala akong bad relationship with them.
"I'm still friends with the owner and with everyone in MET, so I will never do that."
Wala raw sa ugali ni Carmina ang manira ng kahit anong produkto.
"Kahit ano pang brand 'yan, whether natapos yung contract namin or nag-e-exist pa, I will never do that.
"At kahit di ko ini-endorse ang product, hindi ako manlalait ng ibang brand.
"Let's say, if I don't believe in a certain product, I will just be quiet. Hindi ko naman ipangangalandakan."
OTHER BIG STARS NAMED IN THE FAKE ARTICLE
Isa pang ikinagulat ni Carmina ay dawit din sina Marian Rivera, Judy Ann Santos, at Nora Aunor sa fake news kaugnay ng sinasabing pagmamay-ari niyang skincare brand.
Kinuha raw niyang celebrity endorsers ang mga ito.
"Actually, hindi ko alam kung maiinis ba ako o matatawa ba ako.
"Ang galing, ha! Nakuha ko si Marian. May Nora Aunor pa at Judy Ann Santos.
"Big stars! Yung talagang wow!" namamanghang pakli ni Carmina.
Sabi pa niya, "I think it's really, really unfair, not only to me but to other stars na involved dun.
"Parang inano ko pa sila under me. Parang nakakahiya lang, na wow talaga."
Super fake news daw talaga dahil pati comments ay halatang gawa-gawa lang.
"Kasi may isang nag-comment na narinig daw niya ako sa isang radio station na pinu-promote ko yung product.
"Saan ako nagpunta na radio station? Alam mo talagang fake news."
NOTHING TO DO WITH PEP.PH
Nilinaw rin ni Carmina na unfair na pati ang PEP.ph ay nadamay sa isyu.
Nang personal daw tingnan ni Carmina ang kumakalat na fake news tungkol sa kanya ay nakita niyang peke ang URL at online site na ginamit lang ang logo ng PEP.ph.
Paliwanag ni Carmina sa awtor na ito:
"When I posted it on Instagram, yung comments na nabasa ko, parang na-negative naman yung PEP.
"Sabi, 'Ano ba naman yung PEP, nagpapalabas ng fake news.'
"Because nga hindi pa nila alam, I'm sure hindi pa nila na-click yung link.
"So, I guess, dalawa na tayong mananawagan dito.
"Kasi nagamit lang kayo.
"I think it's better to clear also PEP kasi siyempre ang tagal niyong binuild yung reputation niyo.
"And just because of this fake news, ang daming magagalit sa inyo."
Sa huli, nagbigay ng babala si Carmina sa netizens na huwag basta-basta magpapadala sa pekeng online sites na nagpapalaganap ng fake news.
"I think, let's all be aware na meron talagang ganito na hindi ito first time nangyari sa akin or sa inyo, I guess.
"Huwag na lang tayo maniwala kaagad sa mga nababasa at naririnig natin right away.
"Kasi hindi lahat ng nababasa natin, totoo.
"So verify first before believing whatever you're hearing or whatever you're reading."
Pati si Shirley Kuan, ang exclusive endorsements manager ni Carmina, ay kinondena ang maling paggamit sa logo ng PEP.ph sa pekeng news tungkol sa Kapuso actress.
"Grabe noh? PEP.ph pa talaga to make it credible!
"Please have your News Editor make a public notice of these horrible claims! Nakakaloka! Kapal nila!" mensahe niya sa PEP.ph editor-in-chief na si Jo-Ann Maglipon.
Narito ang hiwalay na Instagram post ni Carmina, kung saan makikita ang screen shot ng pekeng artikulo tungkol sa Kapuso actress:
Bukas ang PEP.ph sa anumang pahayag ng mga personalidad na nabanggit sa artikulong ito.
Kinukondena rin ng PEP.ph ang paggamit ng aming logo at pangalan sa pagpapakalat ng fake news na ito.
Tinitiyak ng pamunuan ng PEP.ph na mananagot ang sinumang may kagagawan nito.