Galit na galit si Sunshine Cruz sa isang Instagram user na nagngangalang "Lorence Anthony D. Guardian."
Base sa kanyang username na @cheflorence_butcherchef at sa mga naka-post na litrato sa account nito, tila isang chef ang nasabing netizen.
Sa isang Facebook post ngayong Martes ng hapon, February 12, pinalagan ni Sunshine ang mga bastos na mensahe na ipinadala diumano ng nasabing netizen kay Sunshine through direct messaging (DM) sa Instagram.
Sabi ng aktres sa caption: “I just saw this now. Chef pa naman. Hindi sa lahat ng pagkakataon mananahimik kami Masyadong bastos!”
Kalakip ng post ni Sunshine ang screenshots ng mga mensaheng ipinadala diumano ng netizen sa kanya sa Instagram.
May ilang bahagi ang tinakpan ni Sunshine, ngunit lantad sa mga mensahe ang pagpapantasya ng netizen, hindi lang kay Sunshine kundi pati sa anak nitong babae.
Marami na ang nagkomento sa post na ito ni Sunshine kung saan nagpahayag sila ng galit sa netizen.
HACKED?
Kabilang sa mga nagkomento ang TV personality na si Kim Atienza, na nagsabing baka na-hack ang account ng netizen.
Sa ngayon ay naka-public pa rin ang account ng nasabing netizen at may namba-bash na sa kanya.
UPDATE: Ipinaliwanag ni Lorence Anthony Diola-Guardian sa kanyang Facebook account na na-hack ang kanyang account.
Saad niya, "MY ACCOUNT IN INSTAGRAM IS HACKED!!!!!"
Samantala, naka-block na rin si Sunshine sa Facebook account ni Lorence.
Post pa ng aktres: "Bakit biglang blocked/user not found na? Lorence Anthony Diola Guardian umayos ka! Nanay mo babae din. Lorence Anthony Diola-Guardian."