Inuulan ngayon ng batikos ang Pinoy rapper na si Gloc-9 dahil sa kanyang pagpe-perform sa proclamation rally ng kumakandidatong alkalde sa Makati na si Abby Binay kahapon, March 28.
Si Abby ay kasalukuyang naninilbihan bilang Makati Second District Representative.
Kumakalat kasi ngayon ang larawan ni Gloc-9, o Aristotle Pollisco sa totoong buhay, kung saan nagpe-perform siya sa stage habang nakaupo sa likod niya ang mga kandidato ng United Nationalist Alliance (UNA) Party, na pinangungunahan ni Vice President at presidential candidate Jejomar Binay.
Sabi mo nga gloc-9 sa kanta mo:"Ang mga bontanteng Pilipino ay 'di mga bobo. Lumiyab pag madilim, ituwid ang tiwali" K Photo: Henz Atana
Posted by Senyora Santibañez on Monday, March 28, 2016
Dahil dito, dismayado ang ilan sa rapper na kilala sa kanyang mga likhang bumabatikos sa gobyerno at mga tradisyunal na pulitiko.
Kabilang sa mga sumikat niyang likha, na mariing bumabatikos sa mga pulitiko ay ang “Upuan” at ang “Balita.”
GLOC-9 REACTS? Samantala, tila sagot naman sa mga batikos ang huling post ni Gloc-9 sa kanyang Instagram account, kung saan nakasulat: “Hanggat walang kamay na itinataas dapat walang bibig na bumubukas.
Isang Facebook user ang sinubukang intindihin ang naging desisyon ni Gloc-9 na maging bahagi ng proclamation ni Abby Binay.
At 'tulad niya, may ilang pang fans ang ipinagtanggol ang kilalang Pinoy rapper.
Ano ang masasabi ninyo tungkol dito, PEPsters?