Pumanaw na ang British-Australian singer-actress na si Olivia Newton-John nitong Lunes ng umaga, August 8, 2022.
Siya ay 73 taong gulang.
Mahigit 30 taong nakipaglaban sa sakit na breast cancer si Olivia, na pinakakilala sa kanyang iconic role bilang Sandy sa 1978 musical film na Grease.
Ipinaalam ng pamilya ni Olivia ang pagkamatay niya sa pamamamagitan ng official statement na ibinahagi nila sa social media.
Nakasaad dito: "Dame Olivia Newton-John (73) passed away peacefully at her Ranch in Southern California this morning, surrounded by family and friends.
"We ask that everyone please respect the family’s privacy during this very difficult time.
"Olivia has been a symbol of triumphs and hope for over 30 years sharing her journey with breast cancer.
"Her healing inspiration and pioneering experience with plant medicine continues with the Olivia Newton-John Foundation Fund, dedicated to researching plant medicine and cancer.
"In lieu of flowers, the family asks that any donations be made in her memory to the @onjfoundation.
"Olivia is survived by her husband John Easterling; daughter Chloe Lattanzi; sister Sarah Newton-John; brother Toby Newton-John; nieces and nephews Tottie, Fiona and Brett Goldsmith; Emerson, Charlie, Zac, Jeremy, Randall, and Pierz Newton-John; Jude Newton-Stock, Layla Lee; Kira and Tasha Edelstein; and Brin and Valerie Hall."
Kabilang sa nagdadalamhati sa pagpanaw ni Olivia ay ang kanyang leading man sa Grease na si John Travolta.
Sa pamamagitan ng Instagram ay ibinahagi ni John ang saloobin niya sa pagpanaw ng dating leading lady.
Mensahe ng Hollywood actor: "My dearest Olivia, you made all of our lives so much better. Your impact was incredible. I love you so much.
"We will see you down the road and we will all be together again. Yours from the first moment I saw you and forever!
"Your Danny, your John!"
Unang na-diagnose na may breast cancer si Olivia noong '90s, at in remission na siya ng mahigit sa 20 taon bago ito bumalik noong 2013. Noong 2018 ay ipinagtapat ni Olivia na bumalik ang kanyang cancer at kumalat na ito sa spine.
Si Olivia ay ipinanganak noong September 28, 1948 sa Cambridge, England. Apo siya ng Nobel Prize-winning physicist na si Max Born.
Una siyang nabigyan ng big break nang manalo siya sa talent contest ng TV show sa Australia na Sing, Sing, Sing.
Nabigyan siya ng recording contract ng Decca Records noong 1966, ngunit ang kanyang major breakthrough ay nangyari noong 1973 dahil sa kanyang hit song na "Let Me Be There."
Mas nagningning ang bituin ni Olivia noong sumunod na taon, 1974, nang i-record niya ang isa sa kanyang signature songs, ang "I Honestly Love You," na nanalong Record of the Year at Best Female Pop Vocal Performance sa Grammys.
Mas lalo siyang nakilala ng publiko dahil sa kanyang pagganap bilang Sandy sa iconic film na Grease noong 1978.
Kasabay ng box-office success ng pelikula ay sumikat din ang ilan sa mga kantang nakapaloob gaya ng mga duet nila ni John Travolta na "You're the One That I Want" at "Summer Nights," at ang "Hopelessly Devoted to You" ni Olivia.
Noong 1980 ay ipinalabas naman ang cult classic na Xanadu.
Noong 1983 ay nagbalik-tambalan sina Olivia at John sa pelikulang Two Of A Kind, na hindi nagawang pantayan o higitan ang tagumpay ng Grease pero naging platinum naman ang soundtrack nito.
Sa larangan naman ng telebisyon ay isa si Olivia sa maitututing na pioneer sa paggawa ng music video dahil sa kanyang super-sexy single na "Physical," na ang background ay saunas, aerobics at workout rooms.