Hindi na nakatiis pa ang BTS member na si Jungkook na manawagan sa kanyang fans na kung maaari ay irespeto naman ang kanyang pribadong buhay.
Ito'y matapos niyang makatanggap ng ilang food deliveries sa mismong bahay niya sa South Korea galing sa isang hindi kinilalang sender, na hinihinalang "sasaeng."
Sasaeng ang tawag sa "obssesive fan" na panay ang stalk sa bawat galaw ng K-pop idols.
Sa global fandom platform na Weverse nitong Huwebes, April 4, 2023, ipinost ni Jungkook ang kanyang panawagan na itigil na ang pagpapadala ng pagkain sa kanyang bahay.
Aniya, nagpapasalamat siya sa pagmamahal ng kanyang mga tagasuporta ngunit hindi naman tama na pati ang pribado niyang buhay, galaw, at kung saan siya naninirahan ay sinusundan at minamanmanan.
Saad niya sa kanyang post (ayon sa English translation ng Weverse app): "Don’t send home delivery food. I won’t eat it even if you give it to me.
“I’m thankful, but I eat well. You can buy it yourself.
"I beg you.”
Kalakip ng kanyang panawagan ang tila isang babala na kung hindi titigil ang sinumang nagpapadala ng mga pagkain sa kanyang bahay ay siya na mismo ang gagawa ng aksyon para ito'y mahuli at mapanagot.
Ani Jungkook: “If you send it one more time, I will check the receipt order number you sent and [will] take action.
"So, stop it."
NETIZENS REACT
Marami sa netizens, partikular na ang mga ARMY (BTS fandom name), ang hanggang ngayon ay nanggagalaiti sa "sasaengs" na gumugulo kay Jungkook.
Isa na rito ang Filipino Broadway star na si Lea Salonga, na aminadong isa ring BTS fan.
Sa Twitter nitong Biyernes, May 5, 2023, ibinahagi ni Lea ang kanyang saloobin ukol sa hinaing ng K-pop superstar na si Jungkook.
Ni-retweet ni Lea ang isang thread tweet ng netizen na nag-throwback sa insidenteng pagkalason ni TVXQ member Yunho noong 2006 dahil sa inuming ibinigay noon sa kanya ng isang obssesive fan.
Ani Lea, noon pa man ay tinuruan na siya ng kanyang nanay na huwag na huwag tumanggap ng pagkain sa mga taong hindi niya kilala at pinagkakatiwalaan.
Tweet niya: "This is one of the things my mother trained me to do: NEVER ACCEPT FOOD FROM STRANGERS.
"Even if the giver’s meaning is well-intentioned, there are those out there whose intentions are to harm or even to kill.
"Read this full thread. Jung Kook has already posted on Weverse for people to stop sending him food deliveries, and if it happens again, he’ll take legal action.
"Does it really need to get that far? #FAAFO #thatisHARASSMENT."
Maliban kay Lea, ilan pa sa mga co-ARMY niya ang naglabas ng saloobin nila.
Tweet ng isang netizen (published as is): "For some sasaeng fans whole army fandom is ashamed and embarrassed He is good and pure person and most important he is a HUMAN too , please don't disturb his privacy let him live well."
Saad pa ng isa: " Please stop this. I'm too scared for Jungkook. please remember he's a human too. this sasaeng thing is going crazy like what the heck. someone report this issue going on. this is just too much. I'm am glad that jungkook did post this, i am so mad and scared at the same time."
Read: Zack Tabudlo overjoyed at BTS's Jungkook playing his song: "I can die now with peace."