Parang mula sa romantic movie ang love story ng isang former female tennis world champion na si Garbiñe Muguruza.
Si Garbiñe ay isang Spanish-Venezuelan world tennis champ, at former French Open (2016) at Wimbledon champ (2017).
Naging kinatawan din siya ng Spain sa Olympics—Rio 2016 at Tokyo 2020.
Noong nakaraang linggo, nag-post si Garbiñe sa Instagram para ianunsiyo na engaged na siya kay Arthur Borges.
Two years ago, nakasalubong lamang ni Garbiñe si Arthur sa kalsada.
Marahil ay hindi inakala ni Garbiñe na ang estrangherong nakasalubong niya sa park at humingi sa kanya ng selfie ay ang mapapangasawa pala niya.
HOW THEY MET
Kuwento ni Garbiñe sa Hola interview, naka-break siya noon sa New York at kinokondisyon ang sarili para sa 2021 U.S. Open.
At dahil malapit lamang sa kanyang tinitirhan ang Central Park, nagdesisyon siyang mamasyal.
Habang naglalakad, isang lalaki ang nakasalubong niya at sinabihan siya nito ng, ‘Goodluck at the U.S. Open.’”
Inamin ni Garbiñe na naguwapuhan siya sa lalaking nakasalubong.
Sa interview ng Good Morning America, June 3, 2023, may dagdag na detalye sina Garbiñe at Arthur sa kanilang love story.
Matapos daw mag-wish ng good luck ni Arthur kay Garbiñe, parang may bumulong sa kanya na balikan ang tennis player.
Nakinig si Arthur sa gut feel niya, binalikan ang tennis champ, at humiling na mag-selfie sila.
Dito na nagsimula ang lahat.
"UNREAL TWO WEEKS" OF GOING OUT ON DATES
Ini-stalk naman ni Garbiñe si Arthur sa social media.
Kuwento niya, “I did my detective work afterwards on Instagram. I basically traced him and then we started talking and then we went on a date next day…
"And then we kept going on dates for the two weeks of the tournament.”
Hindi naman makapaniwala si Arthur sa kuwento ng kanilang pag-ibig.
Sabi niya, “It was definitely the most unreal two weeks of my life. Definitely one of the best ones, too. Full of joy excitement and adventures.”
Iniwan ni Arthur ang trabaho niya sa New York at lumipad sa Switzerland para makasama si Garbine.
Inikot nila ang mundo at magkasama sa tennis tournaments ni Garbiñe.
Sa IG post ni Garbiñe, ginamit pa nga niya sa caption ang tanyag na linya sa pelikulang Jerry Maguire ni Tom Cruise.
Caption ng player: "You had me at 'Hello""