Ang Korean superstar na si Song Hye Kyo ang ginawaran ng Daesang o Grand Prize sa 2ng Blue Dragon Series Awards na ginanap sa Paradise City, Incheon, South Korea, nitong Miyerkules ng gabi, July 19, 2023.
Pinarangalan si Song Hye Kyo para sa kanyang pagganap sa Netflix series na The Glory.
Read: Baeksang Arts Awards 2023: Park Eun Bin wins Daesang; Song Hye Kyo named Best Actress
Ito lamang ang ikalawang taon na nagbigay ng parangal ang Blue Dragon Awards sa larangan ng telebisyon, dahil 42 taon na itong namamahagi ng parangal para sa larangan ng pelikula.
Ngunit ang focus ng Blue Dragon Series Awards ay ang mga napapanood lamang sa cable at streaming apps.
Ang Big Bet, na kinunan ang karamihan ng mga eksena rito sa Pilipinas, ang itinanghal na Best Drama.
Best Actress ang former Miss A member na si Bae Suzy para sa kanyang pagganap sa Prime series na Anna. Nominado rin sa kategoryang ito si Song Hye Kyo.
Ang itinanghal na Best Actor ay si Ha Jung Woo para sa Netflix series na Narco-Saints. Kabilang sa mga tinalo niya ay ang veteran actors na sina Choi Min Sik (Big Bet) at Lee Sung Min (Shadow Detective), at ang EXO member na si D.O. (Bad Prosecutor).
Muling nagwagi ang Baeksang Arts Awards winner na si Lim Ji Yeon bilang Best Supporting Actress para sa kanyang villainess role sa The Glory.
Best Supporting Actor naman si Lee Dong Hwi para sa kanyang pagganap sa Big Bet.
Si Park Ji Hoon ang nanalong Rookie Actor para sa kanyang performance sa Weak Hero Class 1. Kabilang sa co-nominee niya ay ang kapwa niya K-pop idol na si Cha Eun Woo, na na-nominate para sa Island.
Best Rookie Actress ang Revenge of Others star na si Shin Ye Eun, na gumanap din bilang young Lim Ji Yeon sa The Glory.
Bukod sa drama series ay binigyan din ng parangal ang mga variety series.
Best Variety Program ang all-female survival series ng Netflix na Siren: Survive The Island.
Best Male Entertainer si Yoo Jae Suk sa PLAYou Level Up, at Best Female Entertainer naman si Joo Hyun para sa SNL Korea Season 3.
Best Rookie Male Entertainer si DEX para sa Blood Game 2, at Best Rookie Female Entertainer si Kim Ah Young para sa SNL Korea Season 3.
Narito ang listahan ng mga nanalo sa 2nd Blue Dragon Series Awards winners:
Daesang
- Song Hye Kyo for The Glory
Best Drama
- Big Bet
Best Actor
- Ha Jung Woo for Narco-Saints
Best Actress
- Bae Suzy for Anna
Best Supporting Actor
- Lee Dong Hwi for Big Bet
Best Supporting Actress
- Lim Ji Yeon for The Glory
Best Rookie Actor
- Park Ji Hoon for Weak Hero Class 1
Best Rookie Actress
- Shin Ye Eun for Revenge of Others
Best Variety Program
- Siren: Survive the Island
Best Male Entertainer
- Yoo Jae Suk for PLAYou Level Up
Best Female Entertainer
- Joo Hyun Young for SNL Korea Season 3
Best Rookie Male Entertainer
- DEX for Bloody Game 2
Best Rookie Female Entertainer
- Kim Ah Young for SNL Korea Season 3
Whynot Award
- Choi Hyun Wook for Weak Hero Class 1
Popularity Star Award
- Cha Eun Woo
- Lee Kwang Soo
- Park Jae Chan
- Kim Yeon Kyung
OST Popularity Award
- Park Jae Chan