Hiwalay na ang BLACKPINK member na si Jisoo, 28, at K-drama actor na si Ahn Bo Hyun, 35.
Ang YG Entertainment, ang kinabibilangang talent agency ni Jisoo, ang nagkumpirma nito sa publiko matapos lumabas ang ilang ulat na hiwalay na ang dalawa.
Ayon sa report ng South Korean portal na Soompi.com, naghiwalay sina Jisoo at Bo Hyun dahil sa kawalan ng panahon sa isa’t isa.
"Jisoo and Ahn Bo Hyun’s relationship naturally became distant due to their busy schedules, and they recently broke up," saad ng kanilang source.
Hindi naman ito pinabulaanan ng YG Entertaiment.
Nitong October 24, 2023, kinumpirma nilang totoong nagwakas na ang relasyon ng dalawa.
Anila, “It is true that Jisoo and Ahn Bo Hyun broke up.”
Noong August 3, 2023, isinapubliko ng YG Entertainment at agency ni Bo Hyun na FN Entertainment na "dating" ang status ng dalawang K-drama stars.
Naganap ang pag-amin ng dalawang talent agencies matapos maaktuhan ng Korean news outlet na Dispatch si Bo Hyun na nasa apartment ni Jisoo sa Yongsan, South Korea.
Dito rin ibinuking ng Dispatch na simula pa noong May 2023 ay napag-alaman nilang nagde-date ang dalawa.
Nakuhanan pa ito ng mga larawan, kung saan makikita na tila nasa parking lot ang dalawa.
Nakasuot ng black pullover sweater at pants si Jisoo, habang si Bo Hyun naman ay nakasuot ng blue shirt, nakasumbrero, sunglasses, at may buhat-buhat na mga gamit na pinaghihinalaang kay Jisoo.
"They are getting to know each other with positive feelings.
"We would be thankful if you look upon them with warmth," saad ng YG Enteraiment.
Dagdag naman ng FN Entertainment, "Ahn Bo Hyun and Jisoo are in the stages of getting to know each other with good feelings.
"We hope you look over them warmly."
Read: BLACKPINK's Jisoo, actor Ahn Bo Hyun are dating
Si Bo Hyun ay nakilala sa mga role na ginampanan niya sa K-drama series naYumi’s Cells (2021), Itaewon Class (2020), Military Prosecutor Doberman, (2022), at See You in My 19th Life (2023).
Habang si Jisoo ay nag-debut noong 2016 bilang isa sa miyembro ng South Korean supergroup na BLACKPINK.
Bukod sa pagiging singer-dancer, pinasok na rin ni Jisoo ang acting matapos niyang lumabas sa 2015 series na The Producers.
Noong 2021 naman nang makuha niya ang kanyang first lead role sa K-drama series na Snowdrop.
READ MORE: