"Negative" ang resulta ng isinagawang preliminary drug test sa BIGBANG member na si G-Dragon, o Kwon Ji Yong sa totoong buhay.
Ito'y matapos niyang boluntaryong sumailalim sa drug test para linisin ang kanyang pangalan sa akusasyong siya umano ay gumagamit ng ilegal na droga.
Noong October 25, 2023, naging laman ng balita si G-Dragon nang arestuhin siya ng Incheon Metropolitan Police Agency dahil sa reklamong paglabag sa Act on the Control of Narcotics, Etc.
Read: BIGBANG's G-Dragon booked for alleged drug use
Ang akusasyong ito ay agad na pinabulaanan ni G-Dragon.
Sa inilabas na statement ng abogado niyang si Kim Su Hyun mula sa law firm na K1 Chamber, noong October 27, ipinaabot nito sa publiko ang panig ng 35-year-old K-pop star na nagsasabing walang katotohanan ang ibinibintang dito.
Dito rin nangako si G-Dragon na makikipagtulungan siya sa imbestigasyon ng mga awtoridad para malinis ang kanyang pangalan.
Read: BIGBANG’s G-Dragon denies drug use allegations: "I have not used drugs."
Ayon sa ulat ng South Korean entertainment portal na Soompi.com ngayong Lunes, November 6, naganap ang questioning ni G-Dragon sa Incheon Nonhyun Police Station.
Dito rin isinagawa ang pagkuha ng urine at hair samples sa K-pop star para sa isinagawang comprehensive analysis ng National Forensic Service.
Makalipas ang mahigit apat na oras, pinauwi raw si G-Dragon dahil negatibo ang lumabas na resulta sa preliminary drug test.
“The results came back negative. I’ve also requested an urgent thorough examination.
“I hope the investigative agency can release the accurate results as soon as possible,” saad ni G-Dragon sa South Korean media na nag-abang sa kanyang paglabas sa police station.
Natanong din si G-Dragon kung kinumpiska ng pulisya ang kanyang mobile phone para sa susunod na hakbang ng imbestigasyon.
Ang sagot niya, “I haven’t, but if it is needed in the future and is on the list of items to be submitted, I have informed [the police] that I am willing to submit it.
“If they call me, I will comply.”
Read: ‘Parasite’ actor Lee Sun Gyun under investigation for suspected drug use; agency reacts:
Paglilinaw pa ni G-Dragon, wala siyang anumang galit sa pulisya dahil sa pagkakaaresto sa kanya, dahil naniniwala raw siyang ginawa lang ng mga ito ang kanilang trabaho base sa nakuha nilang impormasyon.
Aniya, "The police are not personally after me; they are just doing their job based on someone’s statement.
"I also think that I am here for the investigation because it’s part of my job to deny or rather I’d say, to prove that the allegations are unfounded.
"So I wouldn’t say it’s unreasonable but in any case, I hope for a fair resolution, and I hope that unverified claims will not be insisted upon.”
Read: BLACKPINK’s Jennie, BIGBANG’s G-Dragon are dating “for about a year now”—report
Sa huli, may mensaheng iniwan si G-Dragon sa fans niyang alam daw niya na ngayon ay nag-aalala para sa kanya.
Mensahe niya, “I hope you’re not too worried. I hope you believe in me and await [the results]."
Read: Critics call Bella Poarch "zionist" following collaboration announcement with ENHYPEN