Humingi ng dispensa si Miss Universe Nepal Jane Dipika Garrett sa netizens na nagsabing snob umano siya.
Kasunod ito ng pagkalat ng isang short video kung saan nakikita siyang naglalakad.
May tumatawag sa kanya na “Nepal, Nepal,” pero parang hindi niya ito napansin at dire-diretso lamang siya sa paglalakad.
Sabi ni Jane sa kanyang Instagram Story ngayong araw, November 10, 2023, hatinggabi na iyon nangyari.
Papunta raw siyang elevator at nakalagay sa kanyang tenga ang kanyang airpods.
Wala raw siyang ideya na may tao pa ng ganoong oras at tinawag siya. Hindi raw niya sinadyang hindi ito pansinin.
Pahayag ni Jane, “It was 12 am at night and I was just trying to go to the elevator with my AirPods on.
“I had no idea someone was filming me as I thought no one was there.
“Anyways! So sorry I couldn’t respond! Didn’t do it on purpose.”
Pinag-uusapan ng pageant fans si Jane dahil siya ang katangi-tanging plus-size candidate sa edisyong ito ng Miss Universe.
Si Jane ay isang nurse at business developer sa kanilang bansa.
Strong advocate din siya ng body positivity, hormonal health, at mental health for women.
Sabi niya sa isang panayam matapos siyang koronahan bilang Miss Universe Nepal, "As a woman who is curvy and who does not meet certain beauty standards, I'm here to represent women who are curvy, who struggle with weight gain, who struggle with hormonal issues.
"I believe that there is not only one type of beauty standard but every single woman is beautiful just as she is."
Read: Meet Jane Dipika Garrett, the plus-size winner of Miss Universe Nepal 2023
Si Michelle Dee ang representative ng Pilipinas sa 72nd Miss Universe.
Gaganapin ang grand coronation ng prestigious beauty pageant sa November 18, 2023, sa El Salvador.