Sa loob ng halos tatlong dekada, kahit retirado ay tuluy-tuloy sa pagkayod ang kababayan nating si Corazon Dandan, 74, sa San Francisco, U.S.A.
Nagsilbi siyang telephone operator sa Parc 55 Hotel sa Union Square.
Wala siyang mga anak, pero tumulong sa pagpapa-aral sa mga pamangkin.
Hinangad niyang makapag-ipon at makapagpatayo ng bahay sa Pilipinas bago tumigil sa pagtatrabaho.
Pero sa isang iglap, nagwakas ang buhay ni Corazon noong 11:00 P.M. ng July 1, 2024.
Pauwi na siya noon mula sa trabaho.
Tulad ng kanyang nakasanayan for the last three decades, naghihintay siya ng tren sa Bay Area Rapid Transit (BART) Powell Street Station, San Francisco.
Biglang itinulak ang walang kamalay-malay na si Corazon ng isang homeless person nang paparating na ang tren, ayon sa BART Police.
Tumama ang ulo ni Corazon sa humaharurot na tren saka siya bumagsak sa platform.
Naisugod pa siya sa ospital, pero binawian din ng buhay dahil sa severe head injury.
Inaresto ang suspect na si Trevor Belmont, alias Hoak Taing, 49, at sinampahan ng kasong murder at elder abuse.
Napag-alamang mentally ill ang suspek.
Read: BLACKPINK Lisa’s look-alike sells fried chicken in Thailand
Pinay CORAZON Dandan REMEMBERED BY FAMILY
Dekada '80 nang magpunta sa San Francisco si Corazon at nagtrabaho bilang telephone operator sa isang hotel.
Ayon kay Rene Dandan, kapatid ng biktima, nag-double job din noon si Corazon.
Inilarawan ni Rene ang kapatid bilang “sweet, kind, and loving,” ulat ng KGO TV via CNN News source.
Sinabi ni Rene na pangarap ng kanyang kapatid na makabili ng bahay sa Pilipinas.
Nalaman niya ang sinapit ni Corazon nang makatanggap ng tawag ang kanyang pamangkin na si Alvin Dandan. Ginamit na pantawag ng ospital kay Alvin ang mobile phone ng kanyang tita.
Sinabi ni Alvin sa interview na bagamat hangad nila ang hustisya para sa kanyang tiyahin, hindi na nito maibabalik ang buhay ni Corazon.
“Of course, we want justice to be served, but the reality is, at least, from my standpoint he’s [suspect] a mentally ill person. I don’t really know what kind of justice you’re going to get," ani Alvin sa ABS-CBN interview.
“Putting somebody who’s mentally ill in jail is not going to all of a sudden make things better. Whether he’s charged, whether he’s jailed, it’s not going to bring [my aunt] back.”
Read: Man, 53, punches boy, 6, whom he thought kicked his kid
Walang anak si Corazon kaya malapit siya sa mga pamangkin, tulad ni Alvin, na isang intensive care doctor sa isang ospital sa San Francisco.
Bagamat halos 30 years na sa Amerika, napanatili pa rin ni Corazon ang kaugaliang Pilipino.
“She lived a really Christian way of life. She put her faith into loving, caring, and helping other people,” ani Alvin.