Nauwi sa malagim na trahedya ang ginanap na beauty pageant sa Castelo dos Sonhos, Altamira, Brazil, noong July 28, 2024, matapos mamaril ang ama ng isang contestant.
Sa ulat ng g1 Globo, isang news website sa Brazil, nakilala ang suspek na si Sebastiao Francisco, isang local rancher.
Read: Man kills neighbor over question about being single
Nagsimula ang kaguluhan dalawang oras matapos ang event na tinawag na “Ball of the Rain's Choice,” kung saan kinoronahan ang pinakamagagandang dilag sa patimpalak.
SUSPEK HINDI MATANGGAP ANG PAGKATALO NG ANAK
Nagpahayag si Sebastiao ng disgusto sa naging resulta ng beauty contest dahil fourth place lang ang kanyang anak.
Kinuwestiyon niya ang desisyon ng mga judges, gayundin ang evaluation criteria.
Read: Heartbroken guy, 24, looks older after 5 months in the mountains
Ayon sa mga nakasaksi, sinabi umano ni Sebastiao na isang kahihiyan na fourth placer lang ang kanyang anak na para sa kanya ay sure winner sa hanay ng mga kandidata.
Ipinaliwanag sa kanya ng mga judges kung bakit hindi nanalo ang kanyang anak, pero hindi iyon tinanggap ni Sebastiao.
Ang pinagdausan ng beauty pageant ay guwardiyado ng private security and military police, pero dahil sa kanyang galit ay hindi niya ikinunsidera iyon.
Naglabas siya ng baril at pinaputukan ang isa sa ang mga judges.
Napilitan ang mga pulis na paputukan din si Sebastiao.
Nadala pa siya sa ospital ngunit binawian din ng buhay.
Read: YouTuber launches fake restaurant to prank influencers
ORGANIZERS KINONDENA ANG KARAHASAN
Sa video na ini-upload sa news website, makikita na nagkakagulo ang mga tao habang inaawat ng security at mga pulis si Sebastiao.
Kitang-kita rin nang magbunot siya ng baril at itutok iyon sa mga judges.
Maririnig ang putukan at lalong magkakagulo ang mga tao hanggang sa magtakbuhan ang mga ito palayo.
Read: Meet the sleepless seamstress who has not slept in three decades
Read: Man stolen as baby reunites with wealthy family after 33 years
Iniulat ng pulisya na nakuha mula kay Sebastiao ang ginamit nitong baril at mga bala.
Isang lalaki rin ang tinamaan ng ligaw na bala at kinailangang isailalim sa operasyon.
Ang insidente ay kasalukuyan pa ring iniimbestigahan ng mga awtoridad.
Sinabi naman ng organizers ng event na kinokondena nito ang naganap na karahasan at nakikipag-ugnayan na sa mga awtoridad para malinawan sa insidente.
Naglabas din ang organizers ng pahayag ng pakikiisa sa mga kandidata at sinabing “regardless of voting and selection of the winner, the commission is always committed to a fair, ethical and transparent process, and that it will make available to interested parties the original voting files for the conference of results.”
Read: Delivery rider eats customer’s food without permission