Isang 81 anyos na lola ang sumali sa Miss Universe South Korea 2024, pero nabigong masungkit ang korona para maging kinatawan sana ng kanyang bansa sa Miss Universe 2024.
Itinuturing si Choi Soon-hwa bilang pinakamatandang aspiring Miss Universe candidate.
Ginanap ang national pageant ng South Korea nitong Lunes, September 30, 2024.
Itinanghal si Choi bilang “best dresser.”
Ang winner ay si Han Ariel, 22, isang fashion student.
Nitong mga nakalipas na taon, tinanggal na ng Miss Universe Organization ang mga restrictions, tulad ng edad, marital status, at kung may anak man o wala ang kandidata.
Sinunggaban ni Choi ang pagkakataon para tuparin ang childhood dream na maging beauty queen sa kabila ng kanyang edad.
“When I found out there was no age limit for the Miss Universe competition, I decided to enter,” paliwanag ni Choi sa interview ng Euronews.
Noong una ay kinuwestiyon ng pamilya ang plano niya, pero kalaunan ay sinuportahan siya.
Pagbabahagi ni Choi, “My son asked, ‘Mom, are you really going to do this?’ and then said, ‘If it’s what you want, go for it!’”
Nakita raw niya kung gaano ka-proud sa kanya ang pamilya.
Sabi ni Choi, “I sent in my photos, and my family responded with, ‘Our mom is amazing,’ and ‘Our grandmother is incredible!’
“So that made me feel very happy.”
Read: Engineer, always absent from work, gets regular pay for 6 years
Isinantabi ni Choi ang kanyang pangarap noon para sa pamilya.
Marahil ay lamang ang mga katunggali ni Choi pagdating sa youthful looks, pero lamang si Choi pagdating sa mga karanasan sa buhay.
Isinilang si Choi noong panahon ng World War II at survivor siya ng Korean War.
Bukod sa pagiging isang ina at lola, isa ring professional model si Choi.
Nagsimula siyang maging modelo noong siya ay 76 anyos.
Read: How architects deal with clients who believe in feng shui
HOW SHE BECAME A MODEL
Sa video interview ng Korea Now channel ng Yonhap News Agency sa YouTube noong 2023, ibinahagi ni Choi kung paano siya napasok sa pagmomodelo.
Nagtrabaho siya noon sa ospital para mabayaran ang malaking utang matapos tumulong sa ibang tao.
“One of the patients looked at me and said, ‘You would make a great senior model.’”
Sagot naman ni Choi, para sa mga mas bata ang pagmomodelo. Kumontra ang pasyente.
Pagpapatuloy ni Choi, “But she said it’s not too late and that I should find out more about it.”
Biglang naalala ni Choi na pangarap niya noong maging modelo, pero nakalimutan niya ito habang nagkakaedad dahil itinuon niya ang atensiyon sa pagpapamilya.
Nabuhay muli ang kanyang pangarap na maging model matapos makausap ang pasyente.
Nag-ensayo araw-araw si Choi ng pagrampa sa mga lugar na walang tao, at inaabot siya ng madaling araw.
Nagbunga ang kanyang pag-eensayo.
Isang araw, may tumawag na designer sa kanya at nais siyang maging modelo sa isang fashion show.
“By then, I was 76 years old. I went to the catwalk wearing a jacket that young people wear. After that, I got a lot of offers," lahad ni Choi.
Kabilang sa mga nakuha niyang projects bilang isang modelo ay commercials at pictorials.
Tatlong taon niyang itinago ang kanyang pagiging modelo mula sa ibang tao, kabilang na ang kanyang pamilya.
Nang ipagtapat niya ito sa kanyang anak ay sinuportahan naman siya.
Sa pagmomodelo natagpuan ni Choi ang kanyang kaligayahan sa buhay.
Sabi niya, “And now I’m so happy as I take on the new challenges. I’ve found my new life. I’m very proud when I walk on the runway.”
May payo si Choi sa mga katulad niyang may edad na. Hindi pa raw huli ang lahat para tuparin ang mga pangarap.
Aniya: “Use your talent to find a place where you feel confident.
“Step outside your home, go wherever you like, and get involved in social activities.
“This will help seniors lead more active and fulfilling lives.”