Nakapagtala ang Japan ng panibagong record high ng bilang ng mga mamamayan na edad 100 o mas matanda pa.
Batay sa inilabas na data ng government of Japan nitong September 17, 2024, mayroo itong mahigit 95,000 centenarians.
Batay sa datos noong September 1, ang Japan ay kasalukuyang may 95,119 centenarians.
Ang 90 percent sa mga ito, o 83,958, ay kababaihan, habang 11,161 naman ang kalalakihan, ayon sa inilabas na pahayag ng health ministry.
Ngayong taon ay 2,980 centenarians ang nadagdag sa listahan. Inaasahang nasa ganitong pigura rin ang mapapadagdag sa mga susunod na taon.
Read: “Wedding destroyer” gets paid by brides not ready to get married
65 YEARS OLD PATAAS NA JAPANESE, MALAKI NA RIN ANG BILANG
Sa hiwalay na datos na inilabas ng gobyerno nitong September 15, napag-alamang ang mga Japanese na edad 65 pataas ay pumalo rin sa record high na 36.25 million—na bumubuo sa 29.3 percent ng populasyon ng Japan.
Ang proportion na ito ang naglagay sa Japan sa unahan ng talaan ng 200 countries and regions na may populasyon na mahigit sa 100,000 katao, ayon sa Ministry of Internal Affairs and Communications nito.
Read: Influencer admits PHP8-million cosmetic surgery changed her life
PAGDAMI NG MATATANDA, may epekto sa EKONOMIYA NG JAPAN
Ang bilang ng mga Japanese centenarians ay nagpapakita sa demographic crisis na kinakaharap ng bansang ikaapat pagdating sa pinakamalaking ekonomiya sa mundo.
Dumarami ang mga matatanda, pero lumiliit ang populasyon.
Dahil sa pagdami ng matatanda, lumalaki ang gastos sa medical and welfare costs.
Lumiliit naman ang bilang ng mga manggagawa.
Ang kabuuang populasyon ng Japan ay nasa 124 million matapos mabawasan ng 595,000 sa pinakahuling census.
Ginagawa ng pamahalaan ang lahat ng paraan para mapigilan ang pagliit at pagtanda ng populasyon nito, pero hindi ito nagtatagumpay.
Pinalawig din ang retirement age sa 65 years old—at magiging patakaran na ito para sa lahat ng employers pagsapit ng 2025 para mapanatili ang malaking bilang ng workforce.
Read: Viral salad videos cause shortage of cucumber in Iceland
OLDEST LIVING PERSON, NASA JAPAN
Sa kasalukuyan, naninirahan sa Japan ang world's oldest living person na si Tomiko Itooka.
Ipinanganak si Tomiko noong May 23, 1908.
One hundred and sixteen years old na siya ngayon ayon sa US-based Gerontology Research Group.
Naninirahan si Tokiko sa isang nursing home sa Ashiya, Hyogo prefecture na nasa western part ng Japan.
Ayon sa mga staff ng nursing home, lagi itong nagpapasalamat sa kanila at nagkukuwento tungkol sa lugar kung saan ito isinilang.
Ang pinamatandang lalaki naman sa Japan ay si Kiyotaka Mizuno, na 110 years old ngayong 2024.
Sa panayam kay Kiyotaka ng local media, sinabi niyang wala siyang idea kung ano ang kanyang sikreto at humaba ang buhay niya.
Nakatira siya sa Iwata, Shizuoka prefecture sa central part ng Japan kasama ang kanyang pamilya.
Regular siyang gumigising ng alas sais y media ng umaga.
Tatlong beses siyang kumakain sa loob ng isang araw, at hindi siya mapili sa pagkain.
Libangan niya ang manood ng live sports, kabilang ang sumo wrestling.
Read: 1975 10-centavo coin without mint mark now worth PHP28M