Makalipas ang isang taon, sa wakas ay nakalabas na ng ospital si Thalita Teixeira Padilla, 32, isang nurse.
Akala kasi ni Thalita, katapusan na ng kanyang buhay noong September 9, 2023.
Habang namamasyal kasama ang kanyang alagang aso, tinamaan ng kidlat si Thalita.
Ito ang kanyang survival at recovery story.
HIT BY THUNDER
Bago mangyari ang insidente, mamamasyal noon si Thalita papunta sa malapit na beach, kasama ang kanyang alagang Australian shepherd na si Bruce.
Nakatira noon si Thalita sa isang neighborhood sa Boston, U.S.A.
Kuwento niya sa interview ng NBC Boston, madalas mabati ang kanyang alaga kahit saan man sila magpunta.
Noong araw na iyon, habang naglalakad sa beach ay nagsimulang umulan kaya nagdesisyon si Thalita na maglakad na pauwi.
Pero isang babae ang bumati kay Bruce kaya tumigil muna si Thalita para makipagkuwentuhan.
“That’s pretty much where it all goes black,” pagbabalik-tanaw ni Thalita sa NBC Boston noong September 21, 2024.
Habang nagkukuwentuhan sila, biglang tumama sa kanilang kinaroroonan ang kidlat.
Tumilapon sa ere si Thalita at ang kausap na babae. Nabiyak naman ang isang punong malapit sa kinatatayuan nila.
Bumagsak si Thalita at nawalan ng malay.
Idinetalye ni Thalita ang tinamo niyang sugat sa article sa People, October 5, 2024.
Aniya, “But what happened was, I was struck by lightning in the chest, had a cardiac arrest, fell onto the concrete and was without oxygen for 15 minutes.
“The lightning burned my chest and my spinal cord from the inside, leaving me with a spinal cord injury.
"The bolt then came out of my right leg, my knee and foot. And I suffered a lot of nerve damage."
Inabot ng tatlong buwan bago madiskubre ni Thalita na na-damage ang kanyang spinal cord.
Nanatili siya sa ICU nang isang buwan at naka-intubate. Hindi siya makapagsalita sa loob ng halos isang buwan.
Sa kabilang banda, sa sobrang takot naman ay kumaripas daw ng takbo ang alaga niyang aso, na kalaunan ay natagpuan din.
Nang marinig ang pagtama ng kidlat, lumabas ang mga kapitbahay ni Thalita.
Binuhat siya papasok ng kanilang bahay dahil umuulan pa rin.
Nilapatan siya ng cardio-pulmonary resuscitation dahil walang malay at hindi humihinga si Thalita.
Walang binanggit sa report kung ano ang nangyari sa babaeng kausap ni Thalita.
Read: Dubai princess who divorced husband on IG launches Divorce scent
THALITA IN THE HOSPITAL
Nang magkamalay si Thalita, nakahiga na siya sa Boston Medical Center.
Pagbabalik-tanaw niya: “I woke up in the hospital in the ICU without being able to move.”
Namalagi sa ospital si Thalita para gamutin ang kanyang spinal cord injury, nerve damage, at mga sugat sa dibdib at hita.
Natakot ang pamilya ni Thalita dahil inakala nilang babawian siya ng buhay.
Sabi ng kanyang inang si Marcia Teixeira, “I was crying so much because I didn’t want to lose my daughter. But she is strong.”
Read: 80-year-old man posts photo with boyfriend taken in 1961
ONE YEAR RECUPERATION
Makalipas ang isang buwan, naging stable ang kalagayan ni Thalita.
Pero simula pa lamang iyon ng matagalang gamutan.
Inilipat siya sa Spaulding Rehabilitation Hospital para sa pagpapatuloy ng kanyang gamutan.
Sa mga sumunod na maraming buwan, tuluy-tuloy ang pagsasailalim niya sa medication at therapy.
Hindi niya mailakad ang sariling mga paa dahil sa tindi ng sakit na nararamdaman.
Sa kabila nito, hindi nagpadaig si Thalita sa kanyang kalagayan.
Two months ago, nakaramdam ng pagbabago sa kanyang katawan si Thalita. Bumuti na ang kanyang kalagayan.
Aniya, “Something went off like a lightbulb in my head. I started to feel less pain.”
Dahan-dahan ay natutunan muli ni Thalita ang makatayo at makalakad sa tulong ng walker.
Noong Setyembre 2024, halos isang taon mula nang ma-ospital, nakalabas na sa ospital si Thalita.
Lumipat siya sa Connecticut kasama ang asawang si Joel Padilla.
Ani Thalita, masaya siyang malaman kung nagiging inspirasyon ang kanyang kuwento.
Pero maligaya lang siya na patuloy na mabuhay at magkaroon ng bagong simula.
Sabi niya, “I am starting to think about the future for the first time in this whole year and it seems very new still. …It feels like I was born again. It feels like starting a whole new life.”
Plano ngayon ni Thalita sa makapagtrabaho muli bilang isang nurse.