Isang child prodigy sa larangan ng academics na kinilala noon bilang isa sa “most talented Asian children” ang nahaharap sa pagsubok.
Siya si Tathagat Avatar Tulsi.
Tinagurian siya noong Physics Prodigy ng The TIMES at Superteen ng Science, ulat ng India.com.
Pero paanong ang promising scientist noon ay nag-limbo pagdating sa career at nawalan ng trabaho?
Read: Leo DiCaprio look-alike joins army after being jobless, too fat
FORMER CHILD PRODIGY’S STORY
Sa edad na nine years old, nakapagtapos sa high school si Tathagat.
Sa edad na 11, nakumpleto niya ang kanyang Bachelor of Science degree mula sa Patna Science College, isa sa oldest science colleges sa Bihar, isang state sa India.
Sa edad na 12, nakuha naman niya ang kanyang Master of Science degree.
Sa edad na 21, natapos niya ang kanyang PhD mula sa Indian Institute of Science (IISc), isang prestigious campus sa Bangalore, ang sentro ng high-tech industry sa India.
Ang kanyang PhD research ay nag-focus sa Generalizations of the Quantum Search Algorithm.
Gumawa pa siya ng isang research paper kasama ang kilalang Indian-American scientist na si Love Grover, pero hindi na-publish ang research.
Read: Tenants in Germany village only pay PHP54 annual rent
former child prodigy's STRUGGLES
Umani ng mga recognition o pagkilala si Tathagar sa India dahil sa kanyang achievements. Naging laman siya ng media.
Nakapagtrabaho siya bilang contractual assistant professor sa Indian Institute of Technology (IIT) Bombay noong 2011 at naging regular employee noong 2012.
Pero matapos maging regular, nagkaproblema si Tathagat sa kanyang kalusugan.
Nagkakaroon siya ng mataas na lagnat noon. Kalaunan, natukoy na mayroon siyang allergy asthma dulot ng mainit na panahon sa Bombay.
Malaki ang naging impact ng karamdaman ni Tathagat sa kanyang career.
Pagsapit ng 2014, nagdesisyon siyang magpahinga ng apat na taon sa Patna.
Pero dahil sa tagal ng kanyang pagpapahinga, nagdesisyon noong 2019 ang IIT Bombay na i-terminate siya sa trabaho.
Naging malaking palaisipan ang pagkakatanggal niya sa institute at nagsulputan ang mga posibleng dahilan—kabilang na rito ay posibleng politics sa institution, differences, at professional misconduct.
Pero ang klaro ay naging malaking dagok ito sa career ni Tathagat.
Noong 2021, inapela niya ang pagkakatanggal sa IIT Bombay, at hinangad na malipat sa IIT Delhi dahil mas suitable raw ito sa kanyang health condition.
Subalit ni-reject ito ng former India President Ramnath Kovind, ayon sa reports.
Nahirapang maghanap ng trabaho si Tathagat.
Maraming beses naitampok ang kanyang kuwento sa Indian websites ukol sa kanyang kuwento: isang dating child prodigy na may impressive academic achievements, pero nag-struggle sa career life.
Sa ulat ng India.com nitong October 2024, binanggit na sumusubok si Tathagat ng bagong yugto: nagti-take siya ngayon ng law.
Umaasa si Tathagat na ang kanyang panibagong venture ay magbibigay ng oportunidad sa kanyang career.