Akala ng isang lalaki ay katapusan na niya matapos siyang isubo ng isang humpback whale habang nasa gitna sila ng karagatan.
Ang pambihirang pangyayaring ito ay nakunan ng video ng ama ng biktima.
Nag-kayak si Adrian Simancas at amang si Dell Simancas sa Strait of Magellan sa Chile noong February 8, 2025.
Habang nagsasagwan si Adrian sa may kalayuan at nagvi-video ang ama, biglang umangat sa tubig ang nakabukang bibig ng isang dambuhalang nilalang, at saka ito lumubog. Naglaho rin si Adrian.
Nilamon na pala siya ng balyena.
Makalipas ang ilang segundo, umangat sa tubig ang ulo ni Adrian kasunod ang dambuhalang balyena.
Sa video ay maririnig pa si Dell na tinatawag ang anak at sinasabihang kumapit sa kayak nito.
Nakaligtas ang 24-anyos na si Adrian matapos siyang iluwa ng balyena.
Read: Diver swallowed by humpback whale lives to tell story
MAN RECOUNTS BEING SWALLOWED BY A WHALE
Inilahad ni Adrian ang kanyang di malilimutang karanasan sa interview ng CNN.
Aniya, “Suddenly, I felt like a wave struck me from behind, but it was very heavy to be anything like that.
“So when I turned around, I saw some blue, dark colors and white flashing right through my face, and I felt a slimy texture in my cheek.”
Pagpapatuloy niya, “And then it shut down on me and took me underwater.
“I closed my eyes because I thought that something would crash into my face, but I didn’t [feel] it like it was a crash.
“It was like getting hit by a wave and the hurricane of water that forms below when you’re at the beach.”
Naramdaman daw ni Adrian na nasa loob siya ng bibig ng isang malaking nilalang.
“And it was like one second of that strange feeling where I thought that I was already eaten by some kind of giant fish.
“But then I start to feel my water-vest that was pulling me outside of the water, and there was two seconds until I got to the surface.”
Sa mga oras daw na iyon, hindi alam ni Adrian na isang balyena pala ang sumagpang sa kanya at ng kanyang kayak.
“I guess I was inside something’s mouth, but I didn’t know it was a whale.”
Inamin din niyang inakala niyang katapusan na niya, pero buti na lang at iniluwa rin siya agad ng balyena.
“At first, I thought I would die because there’s nothing I can do if I’m inside the mouth of a giant fish, but, yeah, it was a whale.
“I didn’t have enough time to realize that I was not in danger. If the whale [had] hit me, it would be more dangerous.”
May scientific basis ang tinuran ni Adrian na mas delikadong madaganan siya ng balyena kesa isubo siya.
Read: Student finds venomous scorpion in parcel delivery
PHYSICALLY IMPOSSIBLE TO SWALLOW
Hindi kayang lunukin ng humpback whale ang isang tao dahil maliit lamang ang lalamunan nito.
Ito ay “about the size of a household pipe" na kaya lamang lumunok ng maliliit na isda, ani Brazilian conservationist Roched Jaobson Seba sa BBC report.
Hindi raw nito kayang lunukin ang malalaking bagay tulad ng kayak o kahit malalaking isda, gaya ng tuna.
"Ultimately, the whale spit out the kayak because it was physically impossible to swallow,” ani Seba.
Sa tingin daw ng wildlife expert, aksidente ang pagkakasubo ng balyena kay Adrian at ang kayak.
Marahil daw ay pinupuntirya ng balyena ang maliliit na isda at aksidenteng napasama ang sinasakyang kayak ni Adrian.
Samantala, tinanong si Adrian sa CNN interview kung balak pa ba niyang pumalaot sa dagat.
Tila hindi na-trauma ang binata.
Aniya, “Yeah, I want to go back. We hope to do it again but from a far distance.”