Laman ng mga balita recently ang Chinese man na graduate umano sa top universities, kabilang na ang Oxford University, pero siya ay nagtatrabaho bilang delivery rider.
Ito ang kuwento tungkol kay Ding Yuanzhao, 39.
Ayon sa mga media outlets: Hirap daw siyang humanap ng trabaho kaya napilitang maging delivery rider sa kabila ng umano’y impressive academic credentials niya.
Sa news articles, binansagan si Ding bilang “the food delivery rider with the highest education level.”
Siya ay taga-southeastern Fujian province.
Noong 2004, kumuha umano siya ng entrance exam sa kilalang Tsinghua University, at nakakuha ng score na 700 out of 750.
Dito raw siya nag-aral ng chemistry.
Pagkatapos, nagkaroon siya ng master’s degree in energy engineering sa Peking University, PhD in Biology sa Nanyang Technological University sa Singapore, at master’s degree in Biodiversity sa Oxford University sa Britain.
Ayon pa rin sa mga reports, nagtrabaho siya sa National University of Singapore para sa postdoctoral research, pero natapos ang kanyang kontrata noong March 2024.
Nagpadala riya ng mga resumes sa iba't ibang companies, at sinipot niya ang 10 job interviews.
Subalit hindi raw siya natanggap.
Dahil dito, pumasok siya bilang delivery worker sa Singapore at kumikita umano ng SG$700 (US$550) kada linggo sa 10 hours/day na pagtatrabaho.
Katumbas nito ay PHP31,000 kada linggo.
Nagpo-post din ng videos si Ding sa Douyin, kilalang social media platform sa China, at nagbibigay ng updates.
“It is a stable job. I can support my family with this income. If you work hard, you can earn a decent living. It’s not a bad job,” parte ng kanyang post.
Batay sa kanyang social-media updates, bumalik na ng China si Ding at nagtrabaho bilang food delivery rider ng Meituan, kilalang Chinese shopping platform.
Recently, nag-post uli ng video si Ding suot ang uniform niya sa trabaho.
Nagbigay siya ng payo sa mga estudyanteng kumukuha ng entrance college exam.
“If you haven’t achieved good results, don’t be pessimistic or discouraged. If you’ve done well, keep in mind that most people’s work doesn’t make much difference in the grand scheme of things,” aniya.
Marami ang nagkainteres sa kuwento ni Ding at nauwi ito sa pagkakaroon ng discussion online tungkol sa importansiya ng edukasyon para maka-secure ng lucrative at stable job.
Mahalaga ba ang degrees kung hirap namang makakuha ng desired job?
Pero totoo ba ang kuwentong ito in the first place?
Read: BB Gandanghari graduates summa cum laude from LA Film School
IS DING YUANZHAO’S STORY TRUE?
Sa pagri-research ng PEP.ph (Philippine Entertainment Portal), nakita ang LinkedIn profile ni Ding Yuanzhao.
Tugma ang mga naisulat ng media outlets sa kanyang educational background.
Tugma rin ang pagtatrabaho niya bilang research fellow sa Nanyang Technological University at sa U.S. Department of Energy.
Nag-intern din siya sa Sinopec International Petroleum Service Corporation.
Pero sa recent activities niya sa LinkedIn, nag-react si Ding sa mga nasulat ukol sa pagiging delivery rider kanya.
Tahasan niyang ipinahayag ang “fake news," lalo na ang pagtatrabaho niya bilang delivery rider sa Beijing, China.
Parte ng kanyang recent post (published as is): “Suddenly got hundreds of news, like that, ‘I am currently working as a food delivery rider in Beijing’
“FAKE NEWS.
"I have never been in Beijing for at least 10 years... I have never said so as well...
"How can I have any food delivery rider in Beijing?
“For News, the best and easiest way: STOP reporting and talking on me.”
Pero hindi itinanggi ni Ding ang mga naisulat ukol sa kanyang educational attainment.
Sinasagot din niya ang ilang comments from netizens.
Pero halatang nabagabag siya sa fake news, lalo na ang pagbanggit na sa Beijing siya nagtatrabaho ngayon.
Sagot niya sa isang netizen, “I even don't know how to fight with fake news. Suddenly around 100 news in 1 day said I work something in Beijing:
“The reality is that: I have not been in Beijing for at least 10 years, and I never said that ...”
May nagkomentong “famous” na umano si Ding.
Reply niya rito: “I just hope stopping spread of the FAKE NEWS,”
May isang naghamon kay Ding na baka siya raw ang fake.
Sagot ni Ding (published as is): “a clear consideration is that: who get benefits from fake news? who is in trouble?”
Sa post din ni Ding ay inilagay niya ang links na aniya ay “facts”.
May website na naglabas ng kanyang kuwento—ang 163.com, isang popular free Chinese email service. Kasama rito ang kanyang ukol sa kanyang academic credentials.
Ang isa namang link ay ukol sa reaksiyon ng Meituan sa pagtatrabaho ni Ding sa kumpanya.
Lumabas ito sa sohu.com, isang Chinese online media, search, at game service company.
Sinabi ng Meituan na “the most accurate information about academic qualifications can only be obtained through official and formal channels such as the China Higher Education Student Information and Career Center, the Ministry of Education’s Overseas Study Service Center, and overseas universities…”
Dagdag pa rito, “it is impossible to verify whether what Ding Xzhao said is true.”
Detalyado ring inisa-isa ng Meituan ang deliveries na ginawa ni Ding.
Si Ding ay nag-register bilang food delivery rider sa Xiamen, Fujian, noong February 15, 2025.
Sinabi ritong nakapag-deliver siya noong February 16, February 20, February 21, June 9, June 11, at June 13.
Nakalagay rin kung ilang oras siya nagtatrabaho on the average, at ilang orders ang nagagawa niya.
Dagdag pa rito: “On June 14, he went online and rejected an order and then went offline, and there has been no record of going online to run orders since then.”
Sumagot din ang delivery company sa ilang “rumors” na ang branch nila sa Guangzhou binubuo ng riders na 30% sa kanila ay undergraduates.
May isa pang rumor ukol sa kumpanya na 70,000 riders daw nito ay may master’s degrees, habang ang 300,000 ay undergraduates.
Iginiit ng kumpanya na hindi nila ito mave-verify.
Mismong ang rider mismo ang dapat magsumite ng kanilang credentials sa “China Higher Education Student Information and Career Center/the Ministry of Education's Overseas Study Service Center/the official website of overseas universities for verification.”
Kung hindi raw ito gawin ng rider, hindi puwedeng sabihing totoo ang kanilang credentials na ipino-post online, at puwedeng ginagawa ito ng iba para makapag-gain ng traffic online.